ຍິນດີຕ້ອນຮັບເຂົ້າສູ່ເວັບໄຊສຄະນະໂຄສະນາອົບຮົມແຂວງອັດຕະປື                                                                                                                

ເມືອງພູວົງ ລົງເຜີຍແຜ່ເຊື່ອມຊຶມ ເອກະສານສຳຄັນ ຂອງພັກ - ຂອງຊາດໃຫ້ຂັ້ນບ້ານ.

ເມືອງພູວົງ ລົງເຜີຍແຜ່ເຊື່ອມຊຶມ ເອກະສານສຳຄັນ ຂອງພັກ - ຂອງຊາດໃຫ້ຂັ້ນບ້ານ.

           ໃນຕອນເຊົ້າຂອງວັນທີ 8 ກັນຍາ 2021 ນີ້. ຢູ່ທີ່ສະໂມສອນຫ້ອງການບ້ານນ້ຳກົງ ເມືອງ ພູວົງ ແຂວງ ອັດຕະປື ໄດ້ຈັດກອງປະຊຸມ ເຜີຍແຜ່ເຊື່ອມຊຶມ ແລະ ຜັນຂະຫຍາຍບັນດາເອກະສານທີ່ສຳຄັນ ແລະ ມູນເຊື້ອປະຫວັດສາດ ຂອງພັກ - ຂອງຊາດ, ໂດຍພາຍໃຕ້ການເປັນປະທານ ຂອງ ສະຫາຍ ສີທົນ ຊາວພູວົງ ຮອງເລຂາພັກເມືອງ ຜູ້ຊີ້ນຳວຽກງານການເມືອງ-ແນວຄິດ, ມີສະຫາຍ ກໍວິເສດ ພົມມະສານ ກຳມະການພັກເມືອງ ຫົວໜ້າຫ້ອງການ ການເງີນເມືອງ ເຂົ້າຮ່ວມມີເລຂາຄະນະພັກຮາກຖານ ນາຍບ້ານ, ພ້ອມດ້ວຍສະມາຊິກພັກ ແລະ ອົງການຈັດຕັ້ງບ້ານເຂົ້າຮ່ວມ ທັງໝົດ 59 ທ່ານ, ຍິງ 29 ທ່ານ.

            ໃນກອງປະຊຸມ ສະຫາຍ ສີທົນ ຊາວພູວົງ ໄດ້ບັນຍາຍເອກະສານ ໂດຍໄດ້ຍົກໃຫ້ເຫັນບາງບັນຫາທີ່ສຳຄັນຂອງເນື້ອໃນ ມະຕິກອງປະຊຸມລັດຖະບານ ຊຸດທີ IX ເປີດກວ້າງ ຄັ້ງທີ I, ມະຕິກອງປະຊຸມລັດຖະບານ ສະໄໝສາມັນ ປະຈຳເດືອນ ກໍລະກົດ 2021, ມະຕິກອງປະຊຸມຄົບຄະນະ ສະໄໝວິສາມັນ ຂອງຄະນະບໍລິຫານງານສູນກາງພັກ ສະໄໝທີ XI, ຄຳສັ່ງເລກທີ 01-02/ກມສພ, ລົງວັນທີ26ກໍລະກົດ2021 ແລະ ມີບັນດາເອກະສານອື່ນໆທີ່ສຳຄັນຕິດພັນກັບຮາກຖານບ້ານ ແລະ ໄດ້ວາງແຜນການໃຫ້ບັນດາສະຫາຍເລຂາຄະນະພັກຮາກຖານ ນາຍບ້ານ ຕະຫລອດຮອດຂັ້ນຈຸດໜ່ວຍ ໃຫ້ສືບຕໍ່ເຜີຍແຜ່ເຊື່ອມຊຶມບັນຍາຍໃຫ້ພໍ່ແມ່ປະຊາຊົນບັນດາເຜົ່າ ພາຍໃນບ້ານຂອງຕົນ ໄດ້ຮັບຮູ້ ແລະ ເຂົ້າໃຈສາມາດຈັດຕັ້ງປະຕິບັດຕໍ່ວຽກງານການເມືອງ-ແນວຄິດ, ຮັກສາມູນເຊື້ອວັດທຳນະທຳຮີດຄອງປະເພນີອັນດີງາມຂອງຕົນ, ຮັກສາມູນເຊື້ອຄວາມສາມັກຄີຮັກແພງຊ່ວຍເຫຼື່ອກັນ ແລະ ພ້ອມກັນຈັດຕັ້ງປະຕິບັດໃຫ້ໄດ້ຮັບຜົນດີເທື່ອລະກ້າວ.

ພາບ: ຄຳກ້ອນ ໄຊສົງຄາມ.

ຂ່າວ: ສ.ໄຊຄຳສອນ.

 

Found a typo? Please select it and press Ctrl + Enter.

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

127013
ມື້ນີ້ມື້ນີ້168
ມື້ວານນີ້ມື້ວານນີ້142
ອາທິດນີ້ອາທິດນີ້1136
ເດືອນນີ້ເດືອນນີ້4647
ທັງໝົດທັງໝົດ127013