ຍິນດີຕ້ອນຮັບເຂົ້າສູ່ເວັບໄຊສຄະນະໂຄສະນາອົບຮົມແຂວງອັດຕະປື                                                                                                                

ເມືອງພູວົງ ລົງເຜີຍແຜ່ເຊື່ອມຊຶມ ເອກະສານສຳຄັນ ຂອງພັກ - ຂອງຊາດໃຫ້ປະຊາຊົນບ້ານຄຳວົງສາ.

ເມືອງພູວົງ ລົງເຜີຍແຜ່ເຊື່ອມຊຶມ ເອກະສານສຳຄັນ ຂອງພັກ - ຂອງຊາດໃຫ້ປະຊາຊົນບ້ານຄຳວົງສາ.

ໃນຕອນເຊົ້າຂອງວັນທີ 10 ກັນຍາ 2021. ຢູ່ທີ່ສະໂມສອນຫ້ອງການບ້ານ ຄຳວົງສາ ເມືອງພູວົງ ແຂວງອັດຕະປື ໄດ້ຈັດກອງປະຊຸມ ເຜີຍແຜ່ເຊື່ອມຊຶມ ແລະ ຜັນຂະຫຍາຍບັນດາເອກະສານທີ່ສຳຄັນຂອງພັກ - ຂອງຊາດ, ໂດຍພາຍໃຕ້ການເປັນປະທານ ຂອງ ສະຫາຍ ນ. ພວງສິດ ໄຊສົງຄາມ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ມີສະຫາຍ ບຸນທັນ ອັດຕະວົງ ກຳມະການພັກເມືອງ ເລຂາຄະນະພັກຮາກຖານ ນາຍບ້ານ ບ້ານຄຳວົງສາ ພ້ອມດ້ວຍສະມາຊິກພັກ ແລະ ອົງການຈັດຕັ້ງບ້ານເຂົ້າຮ່ວມ ທັງໝົດ 33 ທ່ານ, ຍິງ 15 ທ່ານ.

ໃນກອງປະຊຸມ ສະຫາຍ ນ. ພວງສິດ ໄຊສົງຄາມ ໄດ້ບັນຍາຍເອກະສານທີ່ສຳຄັນຂອງເນື້ອໃນ ມະຕິກອງປະຊຸມລັດຖະບານ ຊຸດທີ IX ເປີດກວ້າງ ຄັ້ງທີ I, ມະຕິກອງປະຊຸມລັດຖະບານ ສະໄໝສາມັນ ປະຈຳເດືອນ ກໍລະກົດ 2021, ມະຕິກອງປະຊຸມຄົບຄະນະ ສະໄໝວິສາມັນ ຂອງຄະນະບໍລິຫານງານສູນກາງພັກ ສະໄໝທີ XI, ຄຳສັ່ງເລກທີ 01-02/ກມສພ, ລົງວັນທີ 26 ກໍລະກົດ 2021 ແລະ ມີບັນດາເອກະສານອື່ນໆທີ່ສຳຄັນຕິດພັນກັບຮາກຖານບ້ານ ແລະ ໄດ້ວາງແຜນການໃຫ້ບັນດາສະຫາຍເລຂາຄະນະພັກຮາກຖານ ນາຍບ້ານ ຕະຫລອດຮອດຂັ້ນຈຸໜ່ວຍ ໃຫ້ສືບຕໍ່ເຜີຍແຜ່ເຊື່ອມຊຶມບັນຍາຍໃຫ້ພໍ່ແມ່ປະຊາຊົນບັນດາເຜົ່າ ພາຍໃນບ້ານຂອງຕົນ ໄດ້ຮັບຮູ້, ເຂົ້າໃຈ ແລະ ສາມາດຈັດຕັ້ງປະຕິບັດຕໍ່ວຽກງານການເມືອງ - ແນວຄິດ, ຮັກສາມູນເຊື້ອວັດທະນະທຳຮີດຄອງປະເພນີອັນດີງາມຂອງຕົນ, ຮັກສາມູນເຊື້ອຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ພ້ອມກັນຈັດຕັ້ງປະຕິບັດໃຫ້ເກີດດອກອອກຜົນ.

ໂດຍ: ສ.ໄຊຄຳສອນ.

 

 

Found a typo? Please select it and press Ctrl + Enter.

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

127015
ມື້ນີ້ມື້ນີ້170
ມື້ວານນີ້ມື້ວານນີ້142
ອາທິດນີ້ອາທິດນີ້1138
ເດືອນນີ້ເດືອນນີ້4649
ທັງໝົດທັງໝົດ127015