ຍິນດີຕ້ອນຮັບເຂົ້າສູ່ເວັບໄຊສຄະນະໂຄສະນາອົບຮົມແຂວງອັດຕະປື                                                                                                                

ພູວົງ ຫວນຄືນມູນເຊື້ອວັນສ້າງຕັ້ງສະຫະພັນນັກຮົບເກົ່າ ແລະ ວັນຊາດ ສາທາລະນະລັດ ສັງຄົມນິຍົມຫວຽດນາມ

ພູວົງ ຫວນຄືນມູນເຊື້ອວັນສ້າງຕັ້ງສະຫະພັນນັກຮົບເກົ່າ ແລະ ວັນຊາດ ສາທາລະນະລັດ ສັງຄົມນິຍົມຫວຽດນາມ

           ໃນຕອນເຊົ້າຂອງວັນທີ 14 ກັນຍາ 2021 ນີ້, ຢູ່ທີ່ສະໂມສອນຫ້ອງວ່າການເມືອງພູວົງໄດ້ມີພິທີເຊື່ອມຊຶມເອກະສານມູນເຊື້ອວັນສ້າງຕັ້ງສະຫະພັນນັກຮົບເກົ່າຄົບຮອບ 19 ປີ(9 ກັນຍາ 2002- 9 ກັນຍາ 2021) ແລະ ວັນຊາດ ສາທາລະນະລັດ ສັງຄົມນິຄົມຫວຽດນາມ ຄົບຮອບ 76 ປີ(2 ກັນຍາ 1945 ຫາ 2 ກັນຍາ 2021). ພາຍໃຕ້ການເປັນປະທານຂອງ ສະຫາຍ ສຸລິຈັນ ໂຊກຄຳຈັນ ກຳມະການພັກແຂວງ ເລຂາພັກເມືອງ ເຈົ້າເມືອງ ເມືອງພູວົງ, ເຂົ້າຮ່ວມບັນຍາຍເອກະສານ ມີສະຫາຍ ສີພອນ ຊາວພູວົງ ປະທານສະຫະພັນນັກຮົບເກົ່າເມືອງ, ມີບັນດາສະຫາຍຄະນະປະຈຳພັກເມືອງ, ກໍາມະການພັກເມືອງ, ຄະນະພັກຮາກຖານ, ຄະນະໜ່ວຍພັກ, ພ້ອມດ້ວຍສະມາຊິກພັກ, ພະນັກງານ-ລັດຖະກອນ ແລະ ຕາງໜ້າສະມາຄົມ ເຂົ້າຮ່ວມຢ່າງພ້ອມພຽງ.

           ສະຫາຍ ສຸລິຈັນ ໂຊກຄໍາຈັນ ເລຂາພັກເມືອງໆພູວົງ ແລະ ສະຫາຍ ສີພອນ ຊາວພູວົງ ປະທານສະຫະພັນນັກຮົບເກົ່າເມືອງ ກໍ່ໄດ້ໃຫ້ກຽດຜັດປ່ຽນກັນຫວນຄືນມູນເຊື້ອ ວັນຊາດສາທາລະນະລັດ ສັງຄົມນິຍົມ ຫວຽດນາມ ຄົບຮອບ 76 ປີ (2 ກັນຍາ 1945 ຫາ 2 ກັນຍາ 2021), ວັນສ້າງຕັ້ງສະຫະພັນນັກຮົບເກົ່າຄົບຮອບ 19 ປີ(9 ກັນຍາ 2002- 9 ກັນຍາ 2021) ແລະ ເຜີຍແຜ່ຂໍ້ຕົກລົງວ່າດ້ວຍຍຸດທະສາດການຮ່ວມມື ໄລຍະ 10ປີ ແຕ່ປີ2021-2030 , ສັນຍາທະວີພາຄີໄລຍະ 5 ປີ ແຕ່ປີ 2021-2025 ລະຫວ່າງ ລັດຖະບານລາວ ກັບ ລັດຖະບານຫວຽດນາມ ໂດຍຍົກໃຫ້ເຫັນບາງບັນຫາສຳຄັນຂອງວັນສໍາຄັນດັ່ງກ່າວ ໂດຍສະເພາະໄລຍະການຕໍ່ສູ້ຍາດເອົາອຳນາດການປົກຄອງ, ໄລຍະການປົກປັກຮັກສາ ແລະ ຂະຫຍາຍຫມາກຜົນຂອງການປະຕິວັດເດືອນສິງຫາ, ດຳເນີນຕໍ່ສູ້ ປົດປ່ອຍຊາດ, ທ້ອນໂຮມປະເທດຊາດເປັນເອກະພາບ. ໄລຍະການປະຕິວັດສັງຄົມນິຍົມ, ປະຕິບັດພາລະກິດປ່ຽນແປງໃໝ່, ກໍ່ຄືການສ້າງລັດທິສັງຄົມນິຍົມຢູ່ຫວຽດນາມ ແຕ່ປີ 1975 ເປັນຕົ້ນມາ ແລະ ການພົວພັນຮ່ວມມື ຄວາມສາມັກຄີພິເສດລະຫວ່າງລາວ-ຫວຽດນາມ ຍາມໃດກໍໄດ້ຄຽງບ່າຄຽງໄລ່ຊ່ວຍເຫລືອເຊິງກັນແລະ ກັນຕະຫລອອດມາ. ພ້ອມດຽວກັນ, ຍັງໄດ້ເລົ່າຄືນມູນເຊື້ອວັນສ້າງຕັ້ງສະຫະພັນນັກຮົບເກົ່າຄົບຮອບ 19 ປີ, ສະແດງເຖິງໃຫ້ເຫັນມູນເຊື້ອພິລະອາດຫານ, ຄວາມເກັ່ງກ້າສາມາດ ແລະ ບໍ່ຍອມຈໍາຍົນຂອງນັກຮົບປະຕິວັດໃນເມື່ອກ່ອນທີ່ຍອມເສຍສະຫລະເລືອດເນື້ອເຂົ້າໃນພາລະກິດຕໍ່ສູ້ກູ້ຊາດຄ້ານຈັກກະພັດຜູ້ຮຸກຮານໃນປາງສົງຄາມ ດຸເດືອດ,ຂ້ຽວຂາດ ອາດຫານຊານໄຊ, ມີໄຫວພິກ ແລະ ຍືດເຍື້ອຍາວນານຂອງການປະຕິວັດ, ກໍາລັງປະກອບອາວຸດປະຊາຊົນທີ່ອາດຫານ.

 ທັງນີ້ ເພື່ອເຮັດໃຫ້ທົ່ວພັກ, ທົ່ວກຳລັງປະກອບອາວຸດ ແລະ ປະຊາຊົນລາວບັນດາເຜົ່າພາຍໃນເມືອງພູວົງໄດ້ມີຄວາມເຂົ້າໃຈ ແລະ ກຳແຫນ້ນບັນດາເນື້ອໃນເອກະສານດັ່ງກ່າວ ໂດຍສະເພາະຄົນຮຸ່ນໜຸ່ມ ໃຫ້ມີຄວາມຮັບຮູ້ເຂົ້າໃຈ, ກໍາແໜ້ນ ແລະ ສາມາດໄປຫມູນໃຊ້ໃນຊິວິດຕົວຈິງ.

                                                                                         ໂດຍ: ສ ໄຊຄໍາສອນ

 

Found a typo? Please select it and press Ctrl + Enter.

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

127019
ມື້ນີ້ມື້ນີ້174
ມື້ວານນີ້ມື້ວານນີ້142
ອາທິດນີ້ອາທິດນີ້1142
ເດືອນນີ້ເດືອນນີ້4653
ທັງໝົດທັງໝົດ127019