ຍິນດີຕ້ອນຮັບເຂົ້າສູ່ເວັບໄຊສຄະນະໂຄສະນາອົບຮົມແຂວງອັດຕະປື                                                                                                                

ພະແນກ ຖວທ ແຂວງອັດຕະປື ເຊື່ອມຊຶມເອກະສານສໍາຄັນ ຂອງພັກ, ຂອງຊາດ.

ພະແນກ ຖວທ ແຂວງອັດຕະປື ເຊື່ອມຊຶມເອກະສານສໍາຄັນ ຂອງພັກ,ຂອງຊາດ

            ວັນທີ 16 ກັນຍາ 2021 ນີ້,ພະແນກຖະແຫລງຂ່າວ,ວັດທະນະທໍາ ແລະ ທ່ອງທ່ຽວ ແຂວງອັດຕະປື ໄດ້ຈັດກອງປະຊຸມເຊື່ອມຊືມ 3 ເອກະສານສໍາຄັນຂອງຊາດ,ຂອງພັກ ທີ່ຫ້ອງປະຊຸມຂອງພະແນກ, ໂດຍການໃຫ້ກຽດເຜີຍແຜ່ເອກະສານຂອງທ່ານນາງ ບຸນນານ ບຸນນະແສງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມ ແຂວງອັດຕະປື ແລະ ທ່ານ ພັນໂທ ບູນເຖິງ ແສງພະຈັນ ຮອງປະທານສະຫະພັນນັກຮົບເກົ່າ ແຂວງອັດຕະປື,ມີຄະນະພັກ,ຄະນະພະແນກ,ຫົວໜ້າ-ຮອງຫົວໜ້າຂະແໜງການ ພ້ອມດ້ວຍພະນັກງານ-ລັດຖະກອນພາຍໃນ ພະແນກ ເຂົ້າຮ່ວມຮັບຟັງ.

ທ່ານນາງ ບຸນນານ ບຸນນະແສງ ໄດ້ຍົກໃຫ້ເຫັນເນື້ອໃນສໍາຄັນຂອງສັນຍາ ວ່າດ້ວຍການຮ່ວມມືທະວິພາຄີ ລະຫວ່າງ ລັດຖະບານແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແລະ ລັດຖະບານແຫ່ງ ສາທາລະນະລັດສັງຄົມນິຍົມຫວຽດນາມ ໄລຍະ 5 ປີ ແຕ່ປີ 2021-2025,ຍົກໃຫ້ເຫັນເນື້ອໃນສໍາຄັນຂອງຂໍ້ຕົກລົງ ວ່າດ້ວຍຍຸດທະສາດການຮ່ວມມື ລະຫວ່າງ ລັດຖະບານແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແລະ ລັດຖະບານແຫ່ງ ສາທາລະນະລັດສັງຄົມນິຍົມຫວຽດນາມ ໄລຍະ 5 ປີ ແຕ່ປີ 2021-2030,ເພື່ອເປັນການທົບທວນຄືນຜົນງານການຮ່ວມມືຂອງສອງລັດຖະບານ ລາວ-ຫວຽດນາມ ກໍ່ຄືການຮ່ວມມືໃນທຸກຂົງເຂດວຽກງານໃນສະເພາະໜ້າ ແລະ ຍາວນາມ ເພື່ອນໍາຜົນປະໂຫຍດມາສູ້ປະຊາຊົນທັງສອງຊາດ ລາວ ແລະ ຫວຽດນາມ.

ຈາກນັ້ນທ່ານ ພັທ ບຸນເຖິງ ແສງພະຈັນ ຮອງປະທານສະຫະພັນນັກຮົບເກົ່າແຂວງ ໄດ້ເລົ່າຄືນມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 19 ປີຄື: ວັນທີ 9 ກັນຍາ 2002 ຫາ 9 ກັນຍາ 2021.ຄືນມູນເຊື້ອປະຫວັດການເຄື່ອນໄຫວພິລະອາດຫານຂອງນັກຮົບປະຕິວັດ ໃນພາລະກິດຕໍ່ສູ້ຕ້ານການຮຸກຮານຂອງພວກຈັກກະພັດລ່າເມືອງຂື້ນແບບເກົ່າ ແລະ ແບບໃໝ່ ເປັນເວລາຍຶດເຍື້ອຍາວນານຫຼາຍ 100 ປີ,ຍ້ອນມີການນຳພາຂອງພັກປະຊາຊົນປະຕິວັດລາວ ຈຶ່ງເຮັດໃຫ້ການເຄື່ອນໄຫວປະຕິວັດຕໍ່ສູ້ໄດ້ຮັບໄຊຊະນະ,ພ້ອມກັນນັ້ນ,ຍັງໄດ້ຍົກໃຫ້ເຫັນຜົນງານການເຄື່ອນໄຫວ,ການເຕີບໃຫຍ່ຂະຫຍາຍຕົວ ແລະ ຄວາມໝາຍຄວາມສຳຄັນຂອງອົງການຈັດຕັ້ງສະຫະພັນນັກຮົບເກົ່າແຫ່ງຊາດລາວ ໃນໄລຍະ 19 ປີ ຜ່ານມາ ກໍຄືການເຕີບໃຫຍ່ຂະຫຍາຍຕົວຂອງສະຫະພັນນັກຮົບເກົ່າ ແຂວງອັດຕະປື.

 ທັງນີ້; ກໍ່ເພື່ອເປັນການເຜີຍແຜ່ເນື້ອໃນຈິດໃຈ ຂອງກົມການເມືອງສູນການພັກ ຊຶ່ງເປັນເອກະສານທີ່ມີຄວາມໝາຍຄວາມສຳຄັນ,ເພື່ອເຮັດໃຫ້ພະນັກງານລັດຖະກອນພາຍໃນພະແນກ ກຳໄດ້ແນວທາງນະໂຍບາຍຂອງພັກລັດ, ຮັບຮູ້ ແລະ ເຂົ້າໃຈຢ່າງເລິກເຊິ່ງ ເພື່ອພ້ອມກັນນຳເອົາເນື້ອໃນດັ່ງກ່າວ ໄປຈັດຕັ້ງປະຕິບັດໃຫ້ເກີດປະສິດທິພາບ ແລະ ປະສິດທີຜົນຕາມຄາດໝາຍທີ່ວາງໄວ້.

ຂ່າວ-ພາບ: ວັດທະນາ.

 

 

Found a typo? Please select it and press Ctrl + Enter.

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

127009
ມື້ນີ້ມື້ນີ້164
ມື້ວານນີ້ມື້ວານນີ້142
ອາທິດນີ້ອາທິດນີ້1132
ເດືອນນີ້ເດືອນນີ້4643
ທັງໝົດທັງໝົດ127009