ເຈົ້າແຂວງ ອັດຕະປື ລົງໃຫ້ການຊ່ວຍເຫຼືອປະຊົນທີ່ໄດ້ຮັບຜົນປະທົບຈາກລົມພະຍຸ ໂກນເຊິນ.

ສ້າງຂື້ນເມື່ອ ວັນຈັນ, 20 ກັນຍາ 2021 03:02
ຂຽນໂດຍ ຄອຂ ອັດຕະປື

ເຈົ້າແຂວງ ອັດຕະປື ລົງໃຫ້ການຊ່ວຍເຫຼືອປະຊົນທີ່ໄດ້ຮັບຜົນປະທົບຈາກລົມພະຍຸ ໂກນເຊິນ.

            ໃນວັນທີ 16 ກັນຍາ 2021 ທ່ານ ເລັດ ໄຊຍະພອນ ເຈົ້າແຂວງ ແຂວງອັດຕະປື ພ້ອມດ້ວຍຄະນະ ໄດ້ລົງຢ້ຽມຢາມ ຊ່ວຍເຫຼືອປະຊາຊົນ ທີ່ບ້ານຫີນລາດ ເຂດກໍ່ສ້າງເຮືອນຖາວອນ ( ເຮືອນປະຊາຊົນປະສົບໄຟພິບັດ ) ທີ່ໄດ້ຮັບຜົນກະທົບຈາກລົມພະຍຸ ( ໂກນເຊິນ )ໃນລະຫວ່າງວັນທີ 11 – 12 /9/2021.

            ໃນການລົງຢ້ຽມຢາມ, ຊ່ວຍເຫຼືອໃນຄັ້ງນີ້ ທ່ານເຈົ້າແຂວງ ພ້ອມດ້ວຍຄະນະ ກໍ່ໄດ້ຮັບຟັງການລາຍງານກ່ຽວກັບສະພາບການເສຍຫາຍ, ເປ້ເພເຮືອນຊານ ແລະ ສິ່ງຂອງອື່ນໆ... ຈາກຄະນະກຳມະການຄຸ້ມຄອງໄຟພິບັດຂັ້ນເມືອງ ແລະ ຈາກປະຊາຊົນ ຄອບຄົວຜູ້ທີ່ຖືກຜົນກະທົບຕົວຈິງ. ເຊິ່ງມີຜົນກະທົບເຮືອນ 39 ຫຼັງ, ມີປະຊາຊົນຖຶກຜົນກະທົບ 22 ຄອບຄົວ,ມີພົນລະເມືອງ 83 ຄົນ ຍິງ 39 ຄົນ ໃນນັ້ນມີຜູ້ບາດເຈັບ 3 ຄົນ ຍິງ 1 ຄົນ, ລວມມູນຄ່າເສຍຫາຍທັງໝົດ 48.808.000 ກິບ. ໃນເບື້ອງຕົນ ທ່ານ ເຈົ້າແຂວງພ້ອມດ້ວຍຄະນະ ກໍ່ໄດ້ໃຫ້ການຊ່ວຍເຫຼືອທາງດ້ານວັດຖຸເຄື່ອງໃຊ້ທີ່ຈຳເປັນເຊັ່ນ:ເຄື່ອງໃຊ້ຄົວເຮືອນ,ເຄືອງນຸ່ງຫົ່ມ ແລະ ອື່ນໆ ແລະ ໄດ້ໃຫ້ຄຳໝັ້ນສັນຍາວ່າພາຍຫລັງສໍາເລັດການຄົ້ນຄວ້າຂໍ້ມູນລະອຽດແລ້ວຈະໄດ້ນໍາໃຫ້ການຊ່ວຍເຫລືອຕື່ມອີກ ພ້ອມແຕ່ງຕັ້ງໃຫ້ຄະນະນຳເມືອງສະໜາມໄຊ ແລະ ຄະນະຄຸ້ມຄອງໄຟພິບັດ ຂັ້ນເມືອງ, ຂັ້ນແຂວງ ພ້ອມກັນຈັດຕັ້ງປະຕິບັດເພື່ອຊ່ວຍເຫຼືອ ສ້ອມແປງເຮືອນຊານຂອງປະຊາຊົນທີ່ເປ້ເພ ໃຫ້ຮິບດ່ວນ.

ຂ່າວ : ວິໄລສັກ ຫວຂ.

Found a typo? Please select it and press Ctrl + Enter.