ຍິນດີຕ້ອນຮັບເຂົ້າສູ່ເວັບໄຊສຄະນະໂຄສະນາອົບຮົມແຂວງອັດຕະປື                                                                                                                

  • ກອງບັນຊາການທະຫານເມືອງພູວົງ ຈັດພິທີ
  • ອັດຕະປື ເນັ້ນການຈັດເກັບລາຍຮັບເຂົ້າ
  • ກຸ່ມບ້ານຮົມ ຮັບຟັງການເຜີຍແຜເອກະສານ
  • ກອງບັນຊາການ ປກສ ເມືອງສາມັກຄີໄຊ ເຊື
  • ເມືອງພູວົງ ເປີດຂະບວນການສັກຢາກັນພະຍ
  • ຄະນະໂຄສະນາອົບຮົມແຂວງ ອັດຕະປື ປະເມີ

ກອງບັນຊາການທະຫານເມືອງພູວົງ ຈັດພິທີເຊື່ອມຊຶມເອກະສານ 3 ວັນປະຫວັດສາດ.

ກອງບັນຊາການທະຫານເມືອງພູວົງ ຈັດພິທີເຊື່ອມຊຶມເອກະສານ 3 ວັນປະຫວັດສາດ.   ວັນທີ 8 ພະຈ...

ອັດຕະປື ເນັ້ນການຈັດເກັບລາຍຮັບເຂົ້າງົບປະມານໃຫ້ໄປຕາມທິດສະໄໝ.

ອັດຕະປື ເນັ້ນການຈັດເກັບລາຍຮັບເຂົ້າງົບປະມານໃຫ້ໄປຕາມທິດສະໄໝ.   ທ່ານ ຄໍາເຜີຍ ໂສມຖາວ...
ກຸ່ມບ້ານຮົມ ຮັບຟັງການເຜີຍແຜເອກະສານສຳຄັນຂອງພັກ-ຂອງຊາດ .

ກຸ່ມບ້ານຮົມ ຮັບຟັງການເຜີຍແຜເອກະສານສຳຄັນຂອງພັກ-ຂອງຊາດ .

ກຸ່ມບ້ານຮົມ ຮັບຟັງການເຜີຍແຜ ເຊື່ອມຊຶມ ເອກະສານສຳຄັນຂອງພັກ-ຂອງຊາດ .

ກອງບັນຊາການ ປກສ ເມືອງສາມັກຄີໄຊ ເຊື່ອມຊຶມ ເອກະສານທີ່ສຳຄັນຂອງພັກ - ຂອງຊາດ.

ກອງບັນຊາການ ປກສ ເມືອງສາມັກຄີໄຊ ເຊື່ອມຊຶມ ເອກະສານທີ່ສຳຄັນຂອງພັກ - ຂອງຊາດ.    ...

ເມືອງພູວົງ ເປີດຂະບວນການສັກຢາກັນພະຍາດສັດ.

ເມືອງພູວົງ ເປີດຂະບວນການສັກຢາກັນພະຍາດສັດ.   ວັນທີ 11 ພະຈິກຂອງທຸກໆປີແມ່ນເປັນວັນສັກ...
ຄະນະໂຄສະນາອົບຮົມແຂວງ ອັດຕະປື ປະເມີນຜົນການປະຕິບັດວຽກງານຂອງພະນັກງານ - ລັດຖະກອນ ປະຈໍາປີ 2021.

ຄະນະໂຄສະນາອົບຮົມແຂວງ ອັດຕະປື ປະເມີນຜົນການປະຕິບັດວຽກງານຂອງພະນັກງານ - ລັດຖະກອນ ປະຈໍາປີ 2021.

ຄະນະໂຄສະນາອົບຮົມແຂວງ ອັດຕະປື ປະເມີນຜົນການປະຕິບັດວຽກງານຂອງພະນັກງານ - ລັດຖະກອນ ປະຈໍາປີ 2021. ...
Previous
Next

ເຈົ້າແຂວງ ອັດຕະປື ເຄື່ອນໄຫວຊຸກຍູ້ວຽກງານໄພພິບັດເມືອງສະໜາມໄຊ.

ເຈົ້າແຂວງ ອັດຕະປື ເຄື່ອນໄຫວຊຸກຍູ້ວຽກງານໄພພິບັດເມືອງສະໜາມໄຊ.

         ໃນວັນທີ 3 ພະຈິກ 2021ນີ້, ທ່ານ ເລັດ ໄຊຍະພອນ ກໍາມະການສູນກາງພັກ, ເຈົ້າແຂວງໆອັດຕະປື ພ້ອມດ້ວຍຄະນະໄດ້ລົງກວດກາ, ຕິດຕາມ ແລະ ຊຸກຍູ້ວຽກງານຟື້ນຟູໄພພິບັດເມືອງສະໜາມໄຊ. ກ່ອນອື່ນຫມົດທ່ານເຈົ້າແຂວງ ອັດຕະປື ກໍ່ໄດ້ຮັບການລາຍງານສະພາບການຈັດຕັ້ງປະຕິບັດວຽກງານຟື້ນຟູໄພພິບັດທີ່ໄດ້ຮັບຜົນກະທົບຈາກສັນເຂື່ອນເຊປຽນ-ເຊນໍ້ານ້ອຍແຕກ ເຊິ່ງນໍາສະເຫນີໂດຍທ່ານ ບຸນເສີດ ເສດທິລາດ ຮອງເຈົ້າແຂວງ ທັງເປັນປະທານຄະນະກໍາມະການຄຸ້ມຄອງໄພພິບັດຂັ້ນແຂວງ ເຫັນໄດ້ວ່າ: ມີຫລາຍດ້ານປະສົບຜົນສໍາເລັດເຊັ່ນ: ດ້ານວຽກງານຟື້ນຟູພື້ນຖານໂຄງລ່າງ ແລະ ຈັດສັນອາຊີບ: ສະແດງອອກດ້ານວຽກງານກະສິກໍາໄດ້ສໍາເລັດການອອກໃບແຈ້ງເນື້ອທີ່ດິນກະສິກຳ ໃນ 4 ບ້ານ, ຈັດສັນທີ່ດິນກະສິກຳໃຫ້ແກ່ປະຊາຊົນຜູ້ປະສົບໄພໃນ 4 ບ້ານ, ຈັດສັນເນື້ອທີ່ທັງໝົດ 1.545 ເຮັກຕາ, ມີ 852 ຕອນ, 852 ຄອບຄົວ ໃນນັ້ນ; ຈຸດດົງບາກ 842 ເຮັກຕາ, 420 ຄອບຄົວ, ຈຸດທ່າແສງຈັນ 123 ເຮັກຕາ, 123 ຄອບຄົວ, ຈຸດຫີນລາດ - ຕະມໍຢອດ 400 ເຮັກຕາ, 219 ຄອບຄົວ, ຈຸດສະໜອງໄຕ້ (ປີນດົງ) 180 ເຮັກຕາ, 90 ຄອບຄົວ; ແລະ ສໍາເລັດໄຖ ແລະ ຟື້ນຟູດິນນາທີ່ຖືກທັບຖົມ ແລະ ຄັນນາເປເພ 4 ບ້ານ, ເນື້ອທີ່ 2.263,30 ເຮັກຕາ, ຟື້ນຟູດິນນາ ແລະ ຄັນນາເປ້ເພ ດ້ວຍຕົນເອງ ຜົນກະທົບເບົາ(ຄັນນາເປເພ) ຈໍານວນ 8 ບ້ານ, 503 ຄອບຄົວ ເນື້ອທີ່ປະຕິບັດໄດ້ 900,48 ເຮັກຕາ ແລະ ຟື້ນຟູດິນນາດ້ວຍຕົນເອງບ້ານຖືກຜົນກະທົບໜັກ (ດິນທັບຖົມ) ຈໍານວນ 5 ບ້ານ 687 ຄອບຄົວ, ເນື້ອທີ່ ປະຕິບັດໄດ້ 1.215,54 ເຮັກຕາ.

           ດ້ານວຽກງານຊົນລະປະທານ: ໄດ້ປັບປຸງໂຄງລ່າງພື້ນຖານທາງດ້ານຊົນລະປະທານມີ 4 ໂຄງການ ມູນຄ່າ 59.672.198.753 ກີບ, ມາຮອດປະຈຸບັນສາມາດປະຕິບັດໄດ້ 88,53 % ຂອງມູນຄ່າສັນຍາໄດ້ກວດກາຜົນສໍາເລັດ 52,97 %, ມູນຄ່າ 28.927.345.685ກີບ, ໄດ້ຊໍາລະແລ້ວ ຈໍານວນ 28,12 ຕື້ກີບ,ໂຄງການຊົນລະປະທານເຊປຽນ ປະຕິບັດສຳເລັດ 100%, ສາມາດຫົດໄດ້ 800 ຮຕ, ໂຄງການຊົນລະປະທານຫ້ວຍສະໝອງ1, ປະຕິບັດໄດ້ 90% ແລະ ໂຄງການຊົນລະປະທານຫ້ວຍສະໝອງ 2 ປະຕິບັດໄດ້ 45%; ສາມາດຫົດໄດ້ 110 ຮຕ,ໂຄງການຊົນລະປະທານຫ້ວຍສົ້ມໂລງ, ປະຕິບັດໄດ້ປະມານ 96%, ສາມາດຫົດໄດ້ໃນລະດູແລ້ງ 15 ຮຕ,ໂຄງການຊົນລະປະທານຫ້ວຍກັນຈານ ປະຕິບັດໄດ້ 100% ສາມາດຮອງຮັບເກັບນໍ້າໄວ້ໃຊ້ຫົດລະດູແລ້ງໄດ້ 15 ຮຕ.

           ວຽກງານການຜະລິດລະດູຝົນປູກເຂົ້ານາປີ: ໃນເຂດບ້ານຈັດສັນໃໝ່ເມືອງສະໜາມໄຊ ມີທັງໝົດ 1.267 ເຮັກຕາ, ສະມັດຕະພາບ 3 ໂຕນ/ເຮັກຕາ, ຄາດຄະເນຜົນຜະລິດປະມານ 3.758 ໂຕນ, ໃນນັ້ນ; ຂະຫຍາຍພັນເຂົ້າ 20 ເຮັກຕາ, ເປັນສີນຄ້າ 546 ເຮັກຕາ, ສົ່ງເສີມທົ່ວໄປ 617 ເຮັກຕາ, ຈຸດສົມຍົກສະມັດຕະພາບ 73 ເຮັກຕາ ແລະ ປູກປະສົມປະສານກັບພືດອື່ນ 10 ເຮັກຕາ ແລະ ກຳລັງຂຸ້ນຂ້ຽວເກັບກູ້ຜົນຜະລິດ, ການປູກເຂົ້ານອກເຂດຊົນລະປະທານໄດ້ 6.294 ຮຕ, ໃນນີ້; ນາຫວ່ານ 300 ຮຕ, ນາດຳ 5.994 ຮຕ, ມາຮອດປະຈຸບັນກຳລັງຂຸ້ນຂ້ຽວເກັບກູ້ຜົນຜະລິດ.

             ວຽກງານຟື້ນຟູປ່າໄມ້: ການປູກຕົ້ນໄມ້ອຸດສາຫະກໍາໄມ້ໃຫ້ໝາກໃຫ້ແກ່ປະຊາຊົນຢູ່ 4 ຈຸດ (4 ບ້ານ) ເນື້ອທີ່ 1.264 ຮຕ, ມູນຄ່າທັງໝົດ 11.266.994.000 ກີບ, ມີ 7.280 ຕົ້ນ (ໄມ້ໃຫ້ໝາກ 4.647 ຕົ້ນ, ໄມ້ອຸດສະຫະກຳ 2.633 ຕົ້ນ), ຊຶ່ງມອບໃຫ້ຜູ້ປະກອບການເປັນຜູ້ຮັບເໝົາປູກ ພ້ອມບູລະນະຮັກສາລະບຸໃນສັນຍາ 1 ປີເຕັມ. ມາຮອດປະຈຸບັນສໍາເລັດ 100%, ສ່ວນຕົ້ນໄມ້ທີ່ຕາຍແມ່ນຜູ້ປະກອບການຈະສືບຕໍ່ປູກຄືນໃນເດືອນ 6/2022.

            ວຽກງານ ຍທຂ: ແກ້ໄຂສຸກເສີນ 17 ໂຄງການ: ຍັງຄ້າງ 1 ໂຄງການຄື: ຕາຜ້າຈຸດບ້ານປີນດົງ, ມາຮອດປະຈຸບັນປະຕິບັດໄດ້ 100%. ການກໍ່ສ້າງເຮືອນພັກຖາວອນ, ການກໍ່ສ້າງເຮືອນຈໍານວນ 700 ຫຼັງ: ມາຮອດປະຈຸບັນສາມາດລົງມືກໍ່ສ້າງໄດ້ແລ້ວ 700 ຫຼັງ ທຽບໃສ່ແຜນລວມປະຕິບັດໄດ້ 75% ຄາດຄະເນສໍາເລັດ 100% ໃນທ້າຍປີ 2021. ສໍາເລັດການມອບໃຫ້ປະຊາຊົນເຂົ້າຢູ່ທັງໝົດ 251 ຫຼັງ (ບ້ານຫີນລາດ 54 ຫຼັງ, ດອນບົກໃໝ່ແສງຈັນ 20 ຫຼັງ, ດົງບາກບາກໃຫມ່ 177 ຫຼັງ).

          ວຽກໂຄງການກໍ່ສ້າງໃໝ່ທີ່ນອນໃນແຜນແມ່ບົດ: ໂຄງການ ກໍ່ສ້າງວັດ:ບ້ານດົງບາກໃໝ່ຫີນຄໍາ ມູນຄ່າ 4,506 ຕື້ກີບ ປະຕິບັດໄດ້ 75%, ບ້ານຫີນລາດ ມູນຄ່າ 4,557 ຕື້ກີບປະຕິບັດໄດ້ 72%, ໂຄງການກໍ່ສ້າງຫ້ອງການບ້ານຄື:ບ້ານດົງບາກໃໝ່ຫີນຄໍາ ມູນຄ່າ 1.104 ຕື້ກີບປະຕິບັດໄດ້ 100%,ບ້ານສະໝອງໃໝ່ປີນດົງມູນຄ່າ 1.109 ຕື້ກີບ ປະຕິບັດໄດ້ 35,89%. ໂຄງການກໍ່ສ້າງ ອາຄານຫ້ອງການປະສານງານບ້ານດົງບາກໃໝ່ຫີນຄໍາ ມູນຄ່າ 3.964 ຕື້ກີບ ປະຕິບັດໄດ້ 42,64%.ໂຄງການກໍ່ສ້າງນ້ຳປະປາ ມີ 3 ພື້ນທີ່:ຈຸດຕະມໍຢອດຫາລະບົບໂຮງງານ ມູນຄ່າ 11.735 ຕື້ກີບ ປະຕິບັດໄດ້ 35%,ຕະມໍຢອດຫາບ້ານທ່າອວນ ມູນຄ່າ 6.557 ຕື້ກີບ ປະຕິບັດໄດ້ 60%.ດອນມ່ວງຫາທ່າແສງຈັນ ມູນຄ່າ 2.965 ຕື້ກີບ ປະຕິບັດໄດ້ 82%, ຕະມໍຢອດຫາປີນດົງມູນຄ່າ 1,200 ຕື້ກີບ ປະຕິບັດໄດ້ 64%,ທີ່ປຶກສາຄຸ້ມຄອງຄຸນນະພາບນໍ້າປະປາ 3 ພື້ນທີ່ ມູນຄ່າ 746 ລ້ານກີບ ປະຕິບັດໄດ້ 57%, ໂຄງການກໍ່ສ້າງທາງ 18 A ໄລຍະທາງແຕ່ປີນດົງ-ຂົວຫ້ວຍອຸກໄລຍະທາງ 27 ກິໂລແມັດ, ມາຮອດປະຈຸບັນສໍາເລັດການປະມູນຈັດຊື້-ຈັດຈ້າງ ຊອກຫາບໍລິສັດທີ່ມາຄວາມພ້ອມມາຈັດຕັ້ງປະຕິບັດແລ້ວ; ຊຶ່ງມູນຄ່າການກໍ່ສ້າງທັງໝົດຜ່ານການປະມູນ ຈໍານວນ 95.991.842.679 ກີບ, ມູນຄ່າຈ້າງທີ່ປຶກສາມູນຄ່າ 1.530.841.999 ກີບ, ແບ່ງເປັນ 12 ສັນຍາວຽກກໍ່ສ້າງ ແລະ 1 ສັນຍາວ່າຈ້າງທີ່ປຶກສາ. ປະຈຸບັນໄດ້ອອກໃບສັ່ງວຽກໃຫ້ຜູ້ປະກອບການລົງມືຈັດຕັ້ງປະຕິບັດແລ້ວ.

           ວຽກງານສຶກສາທິການ ແລະ ກິລາ: ໄດ້ຟື້ນຟູສະພາບແວດລ້ອມຂອງໂຮງຮຽນໃນ 4 ຈຸດ ໂດຍນໍາໃຊ້ງົບປະມານບ້ວງເງິນຊົດເຊີຍຂອງຂະແໜງການສຶກສາເປັນຕົ້ນ: ໂຄງການກໍ່ສ້າງຮົ້ວອ້ອມ ແລະ ກວດປັບ ຍົກລະດັບຖົມເດີ່ນໂຮງຮຽນປະຖົມສົມບູນບ້ານສະໝອງໃໝ່ປີນດົງ ມູນຄ່າ 892.025.936 ກີບ. ປະຕິບັດໄດ້ 95%, ໂຄງການກໍ່ສ້າງຮົ້ວອ້ອມ, ປະຕູໂຂງທາງເຂົ້າໂຮງຮຽນ ແລະ ກວດປັບ ຍົກລະດັບຖົມເດີ່ນໂຮງຮຽນປະຖົມ-ມັດທະຍົມ ບ້ານດົງບາກໃໝ່ຫີນຄໍາ ມູນຄ່າ 2.434.547.795 ກີບ. ປະຕິບັດໄດ້ 70%, ໂຄງການກໍ່ສ້າງຮົ້ວອ້ອມ ແລະ ກວດປັບ ຍົກລະດັບຖົມເດີ່ນໂຮງຮຽນປະຖົມສົມບູນບ້ານດອນບົກໃໝ່ແສງຈັນ ມູນຄ່າ 1.547.458.419 ກີບ. ປະຕິບັດໄດ້ 45%, ໂຄງການກໍ່ສ້າງຮົ້ວອ້ອມ, ປູເບຕົງທາງເຂົ້າ, ຖົມດິນເດີ່ນ ແລະ ທໍ່ລະບາຍນໍ້າ ໂຮງຮຽນປະຖົມບ້ານຕະມໍຢອດ ເມືອງສະໜາມໄຊ ມູນຄ່າ 1.649.845.348 ກີບ. ປະຕິບັດໄດ້ 15%. ໂຄງການກໍ່ສ້າງຫໍພັກ ແລະ ຫໍອາຫານ ນັກຮຽນ ມສ ສະໜາມໄຊ ເມືອງ ສະໜາມໄຊ ມູນຄ່າ 2.506.748.934 ກີບ, ປະຕິບັດໄດ້ 45%. ໂຄງການກໍ່ສ້າງຫ້ອງການສຶກສາທິການ ແລະ ກິລາເມືອງສະໜາມໄຊມູນຄ່າ1.419.478.584 ກີບ, ປະຕິບັດໄດ້ 30%. ວຽກງານພະລັງງານແລະບໍແຮ່: ສໍາເລັດການສ້ອມແປງໄຟຟ້າຢູ່ 5 ສູນພັກຊົ່ວຄາວໃນຊ່ວງລະດູຝົນຜ່ານມາ ມູນຄ່າທັງໝົດ 49.465.000 ກີບ. ສໍາເລັດການປະມູນຈັດຊື້-ຈັດຈ້າງ ໂຄງການກໍ່ສ້າງລະບົບຕາຂ່າຍໄຟຟ້າແຮງກາງ 22/0,4 KV ແລະ ຕິດຕັ້ງໝໍ້ແປງ 100 KVA ເຂົ້າເຂດທຳການຜະລິດກະສິກຳ (ຄຸ້ມອ່າງໝໍ້ທອງ) ເມືອງສະໜາມໄຊ ມູນຄ່າ 2.051.544.129 ກີບ; ປະຈຸບັນກຳລັງລົງມືຈັດຕັ້ງປະຕິບັດ.ກຳລັງປະມູນຈັດຊື້-ຈັດຈ້າງຢູ່ 2 ໂຄງການຄື: ໂຄງການກໍ່ສ້າງລະບົບຕາຂ່າຍໄຟຟ້າ 22/0,4 KV ແລະ ຕິດຕັ້ງໝໍ້ແປງ 160 KVA ເຂົ້າບ້ານດົງບາກໃໝ່ຫີນຄໍາ ມູນຄ່າ 596.669.090 ກີບ, ໂຄງການ ກໍ່ສ້າງລະບົບຕາຂ່າຍໄຟຟ້າ 0,4 KV ເຂົ້າບ້ານຫີນລາດ ມູນຄ່າ 387.079.607 ກີບ.

          ວຽກງານສາທາລະນະສຸກ: ວຽກໂຄງການກໍ່ສ້າງ ສຸກສາລາບ້ານຫີນລາດ ມູນຄ່າ 1.998 ຕື້ກີບ ປະຕິບັດໄດ້ 57,24% ວຽກໂຄງການກໍ່ສ້າງສຸກສາລາບ້ານແທ: ກຳລັງດຳເນີນການກໍ່ສ້າງ, ພ້ອມນີ້ກໍໄດ້ລົງຟື້ນທີ່ທໍາການຜະລິດຂອງປະຊາຊົນເປັນຕົ້ນແມ່ນຟື້ນທີການປູກເຂົ້າ ແລະ ປູກຫຍ້າລ້ຽງສັດອີກດ້ວຍ.

ຂ່າວ-ພາບ:ມະນີວອນ

 

Found a typo? Please select it and press Ctrl + Enter.

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

136065
ມື້ນີ້ມື້ນີ້152
ມື້ວານນີ້ມື້ວານນີ້159
ອາທິດນີ້ອາທິດນີ້91
ເດືອນນີ້ເດືອນນີ້1164
ທັງໝົດທັງໝົດ136065

ຈຳນວນຄົນອອນໄລ໌ທ

ມີ 12  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌