ຄະນະໂຄສະນາອົບຮົມແຂວງອັດຕະປື ເປີດຮຽນສະໜັບສະໜູນໃຫ້ແກ່ມະຫາຊົນ ຜູ້ທີ່ຈະຂະຫຍາຍເຂົ້າເປັນສະມາຊິກພັກ ຊຸດທີ IV ປີ 2021 .

ລາຍລະອຽດ

ສ້າງຂື້ນເມື່ອ ວັນສຸກ, 17 ທັນວາ 2021 06:25

ຂຽນໂດຍ ຄອຂ ອັດຕະປື

ຄະນະໂຄສະນາອົບຮົມແຂວງອັດຕະປື ເປີດຮຽນສະໜັບສະໜູນໃຫ້ແກ່ມະຫາຊົນ ຜູ້ທີ່ຈະຂະຫຍາຍເຂົ້າເປັນສະມາຊິກພັກ ຊຸດທີ IV  ປີ 2021 .

         ໃນລະຫວ່າງວັນທີ 16-17 ທັນວາ 2021, ຄະນະໂຄສະນາອົບຮົມແຂວງອັດຕະປື ໄດ້ຈັດພິທີເປີດຮຽນສະໜັບສະໜູນໃຫ້ແກ່ມະຫາຊົນ ຜູ້ທີ່ຈະຂະຫຍາຍເຂົ້າເປັນສະມາຊິກພັກ ປະຊາຊົນ ປະຕິວັດລາວ ຊຸດທີ IV  ປີ 2021. ຢູ່ທີ່ຫ້ອງປະຊຸມຄະນະໂຄສະນາອົບຮົມແຂວງ. ພາຍໃຕ້ການເປັນປະທານຂອງ ສະຫາຍ ນ. ບຸນນານ ບຸນນະແສງ ຄະນະປະຈຳພັກແຂວງ, ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມມີສະມາຊິກພັກພາຍໃນຄະນະໂຄສະນາອົບແຂວງ ແລະ ມະຫາຊົນກ້າວໜ້າ ຈຳນວນ 32 ສະຫາຍ, ຍິງ 12 ສະຫາຍ. ເຊິ່ງມາຈາກ 4 ໜ່ວຍພັກ 3 ຄະນະພັກຮາກຖານ ຄື: ຄະນະພັກຮາກຖານ ພະແນກສຶກສາທິການ ແລະ ກິລາແຂວງ, ຄະນະພັກຮາກຖານ ພະແນກພະລັງງານ ແລະ ບໍ່ແຮ່ແຂວງ, ໜ່ວຍພັກ ສານປະຊາຊົນແຂວງ, ໜ່ວຍພັກ ທະນາຄານການຄ້າມະຫາຊົນ ສາຂາ ອັດຕະປື, ໜ່ວຍພັກ ທະນາຄານສົ່ງເສີມກະສິກຳ ສາຂາອັດຕະປື ແລະ ໜ່ວຍພັກ ທະນາຄານພົງສະຫວັນ ສາຂາອັດຕະປື.

            ໃນພິທີດັ່ງກ່າວ ສະຫາຍ ນ. ບຸນນານ ບຸນນະແສງ ກໍ່ໄດ້ກ່າວເປີດກອງປະຊຸມ ພ້ອມທັງເຊື່ອມຊຶມເອກະສານສຶກສາອົບຮົມ ເປົ້າໝາຍຂະຫຍາຍເຂົ້າເປັນສະມາຊິກພັກ, ເພື່ອເຮັດໃຫ້ມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກໄດ້ຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ; ເຂົ້າໃຈກ່ຽວກັບມາດຖານ, ເງື່ອນໄຂມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ, ຜົນປະໂຫຍດທີ່ສະມາຊິກພັກໄດ້ຮັບ ແລະ ເມື່ອໄດ້ເຂົ້າເປັນສະມາຊິກພັກ ປະຊາຊົນ ປະຕິວັດລາວແລ້ວຈະປົກປ້ອງບົດບາດກຽດສັກສີຂອງພັກຄືແນວໃດ? ແລະ ພາຍຫຼັງສຳເລັດການຮຽນສະໜັບສະໜູນແລ້ວ ສະຫາຍ ນ. ບຸນນານ ບຸນນະແສງ ຄະນະປະຈຳພັກແຂວງ, ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ ໄດ້ຮັບກຽດມອບໃບຢັ້ງຢືນຜົນສໍາເລັດ ໃນການຮໍ່າຮຽນ ແລະ ໂອ້ລົມ ຕໍ່ມະຫາຊົນຕື່ມ.

• < ຕໍ່ໄປ
• ຕໍ່ໄປ >