ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 67 ປີ ຢ່າງສຸດໃຈ.                                         ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ!                                                                                  ຍົກສູງບົດບາດການນຳພາຂອງພັກທີ່ເຂັ້ມແຂງຮອບດ້ານ, ເພີ່ມທະວີຄວາມສາມັກຄີເປັນປຶກແຜ່ນແໜ້ນໝາ, ສູ້ຊົນປົກປັກຮັກສາ ແລະ ພັດທະນາແຂວງ ອັດຕະປືກ້າວຂື້ນຢ່າງໜັກແໜ້ນ, ປະຊາຊົນຢູ່ດີກິນດີຕາມທິດສ້າງສັງຄົມນິຍົມແຕ່ຮາກຖານ.                                                                                          

  • ຄະນະນຳ ພ້ອມຄະນະສີລະປະແຂວງອັດຕະປືເດ
  • ຄະນະນຳແຂວງອັດຕະປື ເຂົ້າຮ່ວມພິທີເປີ
  • ແຂວງອັດຕະປື ສຳເລັດການເຂົ້າຮ່ວມງານແ
  • ຄະນະສິລະປະແຂວງອັດຕະປື ກຽມພ້ອມເຂົ້າ
  • ຄະນະນຳແຂວງອັດຕະປື ເຂົ້າຮ່ວມກອງປະຊຸ
  • ຄະນະນຳແຂວງອັດຕະປື ເຄື່ອນໄຫວຢ້ຽມຢາມ

ຄະນະນຳ ພ້ອມຄະນະສີລະປະແຂວງອັດຕະປືເດີນທາງເຂົ້າຮ່ວມງານແລກປ່ຽນວັດທະນະທຳ, ກິລາ ແລະ ທ່ອງທ່ຽວ ເຂດຊາຍແດນ ຫວຽດນາມ-ລາວ ຄັ້ງທີ III ປີ 2022.

ໃນຕອນເຊົ້າວັນທີ 28 ກັນຍາ 2022; ຄະນະນຳ ພ້ອມຄະນະສີລະປະແຂວງອັດຕະປື, ນໍາໂດຍ ທ່ານ ນ. ບຸນນານ ບຸນນະແສງ ຄ...

ຄະນະນຳແຂວງອັດຕະປື ເຄື່ອນໄຫວຢ້ຽມຢາມສະຖານທີ່ປະຫວັດສາດດຽນບຽນຟູ

ຄະນະນຳແຂວງອັດຕະປື ເຄື່ອນໄຫວຢ້ຽມຢາມສະຖານທີ່ປະຫວັດສາດດຽນບຽນຟູ ເນື່ອງໃນໂອກາດເຂົ້າຮ່ວມງານແລກປ່ຽນວັດທະ...
Previous
Next

ຂ່າວໃໝ່

ພະແນກພະລັງງານ-ບໍ່ແຮ່ແຂວງ ອັດຕະປື ຈັດປາຖະກະຖາ-ເຊື່ອມຊຶມເອກະສານສຳຄັນຂອງຊາດ, ຂອງພັກ ແລະ ຂອງແຂວງ.

ພະແນກພະລັງງານ-ບໍ່ແຮ່ແຂວງ ອັດຕະປື ຈັດປາຖະກະຖາ-ເຊື່ອມຊຶມເອກະສານສຳຄັນຂອງຊາດ, ຂອງພັກ ແລະ ຂອງແຂວງ.

             ວັນທີ 25 ສິງຫາ 2022; ຢູ່ທີ່ຫ້ອງປະຊຸມພະແນກພະລັງງານ-ບໍ່ແຮ່ແຂວງ ໄດ້ຈັດຕັ້ງເຊື່ອມຊຶມ 3 ເອກະສານສຳຄັນຄື: ເອກະສານ 2 ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ວ່າດ້ວຍການແກ້ໄຂບັນຫາຢາເສບຕິດ; ມະຕິ ກອງປະຊຸມຄົບຄະນະບໍລິຫານງານພັກແຂວງ ເປີດກວ້າງ ຄັ້ງທີ 6 ສະໄໝທີ XI ແລະ ຫວນຄືນມູນເຊື້ອປີສາມັກຄີມິດຕະພາບ ລາວ-ຫວຽດນາມ. ໂດຍການເປັນປະທານ ຂອງທ່ານ ວິທະຍາ ພົມມະຈັນ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າພະແນກພະລັງງານ-ບໍ່ແຮ່ແຂວງ, ມີບັນດາສະຫາຍ ຄະນະພັກຮາກຖານ, ຄະນະພະແນກ, ຄະນະໝ່ວຍພັກທີ່ຂື້ນກັບຄະນະພັກຮາກຖານ, ສະມາຊິກພັກ ພ້ອມດ້ວຍພະນັກງານ-ລັດຖະກອນ ພາຍໃນເຂົ້າຮ່ວມ ທັງໝົດ 38 ທ່ານ, ຍິງ 8 ທ່ານ.

           ທ່ານ ວິທະຍາ ພົມມະຈັນ ກຳມະການພັກແຂວງ ໄດ້ມີຄຳເຫັນໂອ້ລົມກ່າວເປີດພິທີ ແລະ ເຊື່ອມຊຶມ ມະຕິ ກອງປະຊຸມຄົບຄະນະບໍລິຫານງານພັກແຂວງ ເປີດກວ້າງ ຄັ້ງທີ 6 ສະໄໝທີ XI. ເຊິ່ງທ່ານໄດ້ຍົກໃຫ້ເຫັນການສະຫຼຸບຕີລາຄາ ການນຳພາ-ຊີ້ນຳ ວຽກງານຮອບດ້ານຂອງຄະນະບໍລິຫານງານພັກແຂວງ ໃນໄລຍະ 6 ເດືອນຕົ້ນປີ 2022 ແລະ ທິດທາງແຜນການ 6 ເດືອນຕໍ່ໜ້າ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022, ການຈັດຕັ້ງປະຕິບັດດຳລັດ ເລກທີ 599/ລບ ວ່າດ້ວຍລົດຂອງລັດ, ການນໍາພາ-ຊີ້ນຳວຽກງານການເມືອງແນວຄິດ ແລະ ສະພາບຫາງສຽງສັງຄົມ; ວຽກງານປ້ອງກັນຊາດ-ປ້ອງກັນຄວາມສະຫງົບ ທີ່ຕິດພັນກັບ 4 ວາລະໃຫຍ່ ຂອງແຂວງ. ໃນ 6 ເດືອນທ້າຍປີ 2022 ຄະນະບໍລິຫານງານພັກແຂວງ ຈະສືບຕໍ່ຕັ້ງໜ້າຈັດຕັ້ງປະຕິບັດບັນດາວຽກຈຸດສຸມເປັນຕົ້ນ: ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ເອົາໃຈໃສ່ນຳພາ-ຊີ້ນຳຊຸກຍູ້ເຮັດໃຫ້ເສດຖະກິດຂອງແຂວງຂະຫຍາຍຕົວຢ່າງຕໍ່ເນື່ອງ, ຫັນປ່ຽນໂຄງປະກອບເສດຖະກິດໃຫ້ໄປຕາມທິດຫັນເປັນອຸດສາຫະກຳ ແລະ ທັນສະໄໝເທື່ອລະກ້າວ, ແກ້ໄຂຄວາມທຸກຍາກຂອງປະຊາຊົນໃຫ້ທົ່ວເຖິງ, ສືບຕໍ່ສຸມໃສ່ສ້າງພື້ນຖານດ້ານການເງິນ-ງົບປະມານໃຫ້ໜັກແໜ້ນເຂັ້ມແຂງ, ຮັບປະກັນເກັບລາຍຮັບໃນປີ 2022 ໃຫ້ໄດ້ຕາມແຜນ ຫຼື ລື່ນແຜນ, ສືບຕໍ່ເອົາໃຈໃສ່ຄົ້ນຄວ້າ ແລະ ກຳນົດບູລິມະສິດການລົງທືນໃນປີ 2022 ແລະ ກະກຽມສ້າງແຜນປີ 2023 ໃຫ້ຈະແຈ້ງຕິດພັນກັບການດຸ່ນດ່ຽງແຕ່ລະແຫຼ່ງທຶນຢ່າງເໝາະສົມ, ສືບຕໍ່ເອົາໃຈໃສ່ການພັດທະນາພື້ນຖານໂຄງລ່າງດ້ານຄົມມະນາຄົມ-ຂົນສົ່ງ, ໄຟຟ້າ, ນໍ້າປະປາ, ຊົນລະປະທານ, ໂທລະຄົມ ແລະ ການສື່ສານເຕັກໂນໂລຊີ ໃຫ້ເປັນລະບົບຄົບຊຸດ, ທັນສະໄໝ ແລະ ເຂົ້າເຖິງທຸກພື້ນທີ່.

           ທ່ານ ສົມຫວັງ ສີລາເພັດ ຄະນະພັກຮາກຖານ, ເລຂາໜ່ວຍພັກພະລັງງານ-ໄຟຟ້າ, ຮອງຫົວໜ້າພະແນກພະລັງງານ ແລະ ບໍ່ແຮ່ແຂວງ ໄດ້ເຊື່ອມຊຶມເອກະສານ 2 ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ວ່າດ້ວຍການແກ້ໄຂບັນຫາຢາເສບຕິດ ເຊິ່ງທ່ານໄດ້ຍົກໃຫ້ເຫັນວ່າ: ຕະຫຼອດໄລຍະຜ່ານມາ ພັກ - ລັດຖະບານ ໄດ້ຖືເອົາການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ຖືເປັນບູລິມະສິດຮີບດ່ວນ, ເປັນປັດໄຈຕັດສິນ ຕໍ່ການບັນລຸບັນດາຄາດໝາຍ-ບູລິມະສິດ ຂອງທຸກຂົງເຂດວຽກງານ ທີ່ໄດ້ກຳນົດອອກ ໃນແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX ( 2021-2025 ), ຫຼີກເວັ້ນບໍ່ເຮັດໃຫ້ເສດຖະກິດຕົກເຂົ້າສູ່ວິກິດການດ້ານເສດຖະກິດ-ການເງິນ, ສ້າງສະພາບຄ່ອງຂອງເສດຖະກິດໃຫ້ດີຂື້ນ ແລະ ຊຸກຍູ້ການຂະຫຍາຍຕົວຂອງເສດຖະກິດ ທີ່ມີຄຸນນະພາບ ແລະ ໝັ້ນຄົງ ແລະ ຢູ່ປະເທດເຮົາປະຈຸບັນນີ້ພວມປະເຊີນໜ້າກັບໄພຂົ່ມຂູ່ຈາກບັນຫາຢາເສບຕິດ ຊຶ່ງໄດ້ລະບາດນັບແຕ່ຕົວເມືອງໃຫຍ່ຈົນຮອດເຂດຊົນນະບົດ ຫ່າງໄກສອກຫຼີກ, ເຂົ້າເຖິງທຸກຊັ້ນຄົນ, ທຸກສາຂາອາຊີບໃນທົ່ວສັງຄົມ; ສະນັ້ນການຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດ ແມ່ນໜ້າທີ່ຂອງໜົດທຸກຄົນໃນສັງຄົມ ໂດຍເລີ່ມຈາກສະຖາບັນຄອບຄົວ, ສະຖາບັນການສຶກສາ, ໂຮງຈັກ, ໂຮງງານ, ສຳນັກງານ-ອົງການ, ການຈັດຕັ້ງສັງຄົມ ແລະ ບ້ານ ຕ້ອງເປັນເຈົ້າການຮ່ວມກັບພາກລັດ ໃນການແກ້ໄຂບັນຫາຢາເສບຕິດ, ບົນພື້ນຖານຄວາມຕື່ນຕົວເປັນເຈົ້າການເຂົ້າຮ່ວມແກ້ໄຂຢ່າງເປັນຂະບວນກວ້າງຂວາງ ແລະ ເລິກເຊິ່ງ.

            ທ່ານ ອິນຕາ ຈິນດາວົງ ຄະນະພັກຮາກຖານ ຮອງເລຂາໜ່ວຍພັກ, ຫົວໜ້າຂະແໜງບໍລິຫານ-ຈັດຕັ້ງ ແລະ ແຜນການ ກໍ່ໄດ້ປາຖະກະຖາ ຫວນຄືນມູນເຊື້ອສາຍພົວພັນມິດຕະພາບ ລາວ-ຫວຽດນາມ ຄື: ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 45 ປີ, ວັນສ້າງຕັ້ງສາຍພົວພັນການທູດ ຄົບຮອບ 60 ປີ. ເຊິ່ງທ່ານໄດ້ຍົກໃຫ້ເຫັນເຖິງຄວາມໝາຍຄວາມສໍາຄັນຂອງສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ນັບແຕ່ສ້າງຕັ້ງພັກກອມມູນິດອິນດູຈີນ ໃນປີ 1930 ໂດຍແມ່ນປະທານ ໂຮ່ຈິມິນ ເປັນຜູ້ກໍ່ຕັ້ງຂຶ້ນ, ຄວາມເປັນພີ່ນ້ອງລະຫວ່າງສອງຊາດ ມີຄວາມເລິກເຊິ່ງຂຶ້ນ, ໃນໄລຍະກວ່າເຄິ່ງສະຕະວັດທີ່ຜ່ານມາ ສອງຊາດ ລາວ-ຫວຽດນາມ ໄດ້ຄຽງບ່າຄຽງໄຫຼ່ກັນຕໍ່ສູ້ຢ່າງພິລະອາດຫານ, ຜ່ານຜ່າທຸກອຸປະສັກທຸລະກັນດານ ທີ່ເຕັມໄປດ້ວຍຄວາມເສຍສະຫຼະ ແລະ ດ້ວຍຄຳສອນອະມະຕະຂອງປະທານ ໂຮ່ຈິມິນ ວ່າ “ ການຊ່ວຍເຫຼືອເພື່ອນ ປຽບເໝືອນການຊ່ວຍເຫຼືອຕົນເອງ ” ສາຍພົວພັນ ແລະ ການຮ່ວມມື ລາວ-ຫວຽດນາມ ແມ່ນຄວາມຮຽກຮ້ອງຕ້ອງການຢ່າງພາວະວິໄສ ແລະ ເປັນປັດໄຈຕັດສິນໄຊຊະນະຂອງການປະຕິວັດທັງສອງປະເທດ, ສາຍພົວພັນມິດຕະພາບອັນຍິ່ງໃຫຍ່ ຄວາມສາມັກຄີແບບພິເສດລະຫວ່າງ ລາວ-ຫວຽດນາມ, ຫວຽດນາມ-ລາວ ເປັນພາລະກິດລວມຂອງທັງສອງພັກ, ສອງລັດ ແລະ ປະຊາຊົນສອງຊາດ, ພາລະກິດດັ່ງກ່າວ ຈະຕ້ອງໄດ້ປົກປັກຮັກສາ, ເພີ່ມພູນຄູນສ້າງໃຫ້ຈະເລີນງອກງາມຍິ່ງໆຂຶ້ນ.

ໃນຕອນທ້າຍພິທີ ທ່ານ ວິທະຍາ ພົມມະຈັນ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າພະແນກພະລັງງານ ແລະ ບໍ່ແຮ່ແຂວງ ຍັງໄດ້ໂອ້ລົມ ແລະ ເນັ້ນໜັກໃຫ້ຄະນະພັກ, ສະມາຊິກພັກ, ພະນັກງານ-ລັດຖະກອນ ພາຍໃນໃຫ້ຫັນເອົາເນື້ອໃນຈິດໃຈ ທີ່ໄດ້ຮັບການເຊື່ອມຊຶມໃນຄັ້ງນີ້ນຳໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງໃຫ້ມີປະສິດທິຜົນສູງ.

 

 

Found a typo? Please select it and press Ctrl + Enter.

ວີດີໂອ....

ເຊື່ອມຕໍ່ເວບໄຊສ໌

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

196767
ມື້ນີ້ມື້ນີ້158
ມື້ວານນີ້ມື້ວານນີ້621
ອາທິດນີ້ອາທິດນີ້1850
ເດືອນນີ້ເດືອນນີ້3084
ທັງໝົດທັງໝົດ196767

ຈຳນວນຄົນອອນໄລ໌ທ

ມີ 7  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌