ພິທີອົບຮົມມະຫາຊົນກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກ ຊຸດທີ III ປີ 2022

ສ້າງຂື້ນເມື່ອ ວັນຈັນ, 19 ກັນຍາ 2022 03:08
ຂຽນໂດຍ ຄອຂ ອັດຕະປື

     

         ໃນລະຫວ່າງວັນທີ 7-8 ກັນຍາ 2022; ຢູ່ທີ່ຫ້ອງປະຊຸມຄະນະໂຄສະນາອົບຮົມແຂວງອັດຕະປື ໄດ້ຈັດພິທີອົບຮົມມະຫາຊົນກ້າວໜ້າ ເພື່ອຂະຫຍາຍເຂົ້າເປັນສະມາຊິກພັກ ຊຸດທີ III ປີ 2022. ໂດຍການເປັນປະທານຂອງ ສະຫາຍ ນ. ບຸນນານ ບຸນນະແສງ ຄະນະປະຈຳພັກແຂວງ, ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ, ມີຄະນະຮັບຜິດຊອບ ແລະ ມະຫາຊົນກ້າວໜ້າ ຈຳນວນ 18 ສະຫາຍ, ຍິງ 8 ສະຫາຍ ເຂົ້າຮ່ວມ. ເຊິ່ງມາຈາກ 1 ໜ່ວຍພັກ, 4 ຄະນະພັກຮາກຖານ.

           ໃນໂອກາດດັ່ງກ່າວ ສະຫາຍ ນ. ບຸນນານ ບຸນນະແສງ ກໍ່ໄດ້ກ່າວເປີດພິທີ ພ້ອມທັງເຊື່ອມຊຶມເອກະສານ ອົບຮົມມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ, ເຊິ່ງເປັນເອກະສານຄວາມຮູ້ເບື່ອງຕົ້ນ ເພື່ອໃຫ້ມະຫາຊົນໄດ້ຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ; ເຂົ້າໃຈກ່ຽວກັບມາດຕະຖານ, ເງື່ອນໄຂ, ຜົນປະໂຫຍດທີ່ສະມາຊິກພັກໄດ້ຮັບ ແລະ ເມື່ອໄດ້ເຂົ້າເປັນສະມາຊິກພັກ ປະຊາຊົນ ປະຕິວັດລາວແລ້ວຈະປົກປ້ອງບົດບາດ, ກຽດສັກສີຂອງພັກຄືແນວໃດ? ບົນພື້ນຖານຄວາມຮັບຮູ້ເຂົ້່າໃຈດັ່ງກ່າວ ເຮັດໃຫ້ມະຫາຊົນຜູ້ທີ່ຈະເຂົ້າເປັນສະມາຊິກພັກ ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີມາດຕະຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໜັກໃຈເຂົ້່າເປັນສະມາຊິກພັກປະຊາຊົນປະຕິວັດລາວ ເພື່ອເພີ່ມກຳລັງແຮງສູ້ຮົບໃຫ້ແກ່ພັກນັບມື້ຫຼາຍຂື້ນ.

           ພາຍຫຼັງສຳເລັດການອົບຮົມແລ້ວ ຄະນະຮັບຜິດຊອບ ກໍໄດ້ເຊີນຄະນະພັກທີ່ກ່ຽວຂ້ອງເຂົ້າຮ່ວມ ແລະ ສະຫາຍ ນ. ບຸນນານ ບຸນນະແສງ ຄະນະປະຈຳພັກແຂວງ ໄດ້ໃຫ້ກຽດມອບໃບຢັ້ງຢືນໃຫ້ແກ່ມະຫາຊົນທີ່ໄດ້ຜ່ານການອົບຮົມ, ພ້ອມທັງໂອ້ລົມ ແລະ ມອບຄວາມຮັບຜິດຊອບໃຫ້ຄະນະພັກທີ່ກ່ຽວຂ້ອງນຳໄປສຶກສາອົບຮົມມະຫາຊົນຕື່ມ.

Found a typo? Please select it and press Ctrl + Enter.