ວັນທີ 11 ສິງຫາ 2023; ຢູ່ທີ່ຫ້ອງປະຊຸມສະຫະພັນແມ່ຍິງແຂວງອັດຕະປື ໄດ້ຈັດຊຸດອົບຮົມວຽກງານການເມືອງ-ແນວຄິດໃຫ້ແກ່ການນຳເພດຍິງ, ແມ່ຍິງຄອບຄົວການນຳ ແລະ ອາດີດການນຳເພດຍິງຂອງແຂວງ. ໂດຍໃຫ້ກຽດເຂົ້າຮ່ວມເປັນປະທານ ຂອງທ່ານ ນ. ບຸນນານ ບຸນນະແສງ, ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ທ່ານ ນ. ຈັນເພັດ ຈັນທະມາດ ກຳມະການພັກແຂວງ ປະທານສະຫະພັນແມ່ຍິງແຂວງ, ທ່ານ ນ. ຫວັດສະດີ ໂຄດໂຍທາ ອາດີດຮອງເລຂາພັກແຂວງ, ຫົວໜ້າທະນາຄານພົງສະຫວັນ ໜ່ວຍບໍລິການສາຂາແຂວງອັດຕະປື, ມີຄະນະຮັບຜິດຊອບຝຶກອົບຮົມວຽກງານການເມືອງ-ແນວຄິດຂັ້ນແຂວງ, ມີການນຳເພດຍິງ, ແມ່ຍິງຄອບຄົວການນຳ ແລະ ອາດີດການນຳເພດຍິງຂອງແຂວງ ເຂົ້າຮ່ວມຢ່າງພ້ອມພຽງ.
ໃນລະຫວ່າງ ວັນທີ 3-4 ສິງຫາ 2023; ຢູ່ທີ່ຫ້ອງປະຊຸມສະຫະພັນແມ່ຍິງແຂວງອັດຕະປື ໄດ້ຈັດຊຸດອົບຮົມວຽກງານການເມືອງ-ແນວຄິດໃຫ້ແກ່ແມ່ຍິງອ້ອມຂ້າງແຂວງ. ໂດຍເປັນກຽດເຂົ້າຮ່ວມເປັນປະທານ ຂອງທ່ານ ນ. ບຸນນານ ບຸນນະແສງ, ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ທ່ານ ນ. ຈັນເພັດ ຈັນທະມາດ ກຳມະການພັກແຂວງ ປະທານສະຫະພັນແມ່ຍິງແຂວງ, ທ່ານ ນ. ຫວັດສະດີ ໂຄດໂຍທາ ອາດີດຮອງເລຂາພັກແຂວງ, ຫົວໜ້າທະນາຄານພົງສະຫວັນ ໜ່ວຍບໍລິການສາຂາແຂວງອັດຕະປື, ມີຄະນະຮັບຜິດຊອບຝຶກອົບຮົມວຽກງານການເມືອງ-ແນວຄິດຂັ້ນແຂວງ, ມີຄະນະສະຫະພັນແມ່ຍິງແຂວງ, ຄະນະໜ່ວຍແມ່ຍິງອ້ອມຂ້າງແຂວງ ເຂົ້າຮ່ວມທັງໝົດ 58 ທ່ານ, ຍິງ 58 ທ່ານ.
ເພື່ອປະຕິບັດຕາມກົດລະບຽບພັກປະຊາຊົນປະຕິວັດລາວ ສະໄໝທີ XI ໝວດທີ I ມາດຕາ 2 ລະບຽບການຂະຫຍາຍພັກ. ໃນຕອນບ່າຍຂອງວັນທີ 2 ສິງຫາ 2023, ໜ່ວຍພັກຄະນະໂຄສະນາອົບຮົມແຂວງ ອັດຕະປື ໄດ້ຈັດພິທີເລື່ອນສະມາຊິກພັກສຳຮອງຂື້ນສົມບູນ, ຢູ່ທີ່ຫ້ອງປະຊຸມຂອງ ຄອຮຂ. ໂດຍການເປັນປະທານ ຂອງສະຫາຍ ນ. ບຸນນານ ບຸນນະແສງ ຄະນະປະຈຳພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ມີຄະນະໜ່ວຍພັກ, ແຂກຖືກເຊີນ ພ້ອມດ້ວຍສະມາຊິກພັກພາຍໃນເຂົ້າຮ່ວມ.
![]() | ມື້ນີ້ | 382 |
![]() | ມື້ວານນີ້ | 145 |
![]() | ອາທິດນີ້ | 516 |
![]() | ເດືອນນີ້ | 1068 |
![]() | ທັງໝົດ | 287215 |
ມີ 38 ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌