ພິທີອົບຮົມມະຫາຊົນກ້າວ ຊຸດທີ III ປີ 2020.

ພິທີອົບຮົມມະຫາຊົນກ້າວ ຊຸດທີ III ປີ 2020.

ໃນລະຫວ່າງ ວັນທີ 3-4 ກັນຍາ 2020 ຄະນະໂຄສະນາອົບຮົມແຂວງອັດຕະປື ໄດ້ເປີດຮຽນສະໜັບສະໜູນໃຫ້ມະຫາຊົນກ້າວໜ້າຊຸດທີ III ປີ 2020, ຢູ່ທີ່ຫ້ອງປະຊຸມຄະນະໂຄສະນາອົບຮົມແຂວງ ໂດຍການເປັນປະທານ ຂອງທ່ານ ຄຳບຸນ ດວງພະບາງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ, ມີມະຫາຊົນກ້າວໜ້າເຂົ້າຮຽນສະໜັບສະໜູນ ຈຳນວນ 20 ທ່ານ, ຍິງ 10 ທ່ານ. ມາຈາກ 2 ໜ່ວຍພັກ ແລະ 3 ຄະນະພັກຮາກຖານ.

ພາຍຫຼັງສໍາເລັດການຮຽນສະໜັບສະໜູນແລ້ວ ທ່ານ ຄຳບຸນ ດວງພະບາງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ຮັບກຽດມອບໃບຢັ້ງຢືນ  ແລະ ໂອ້ລົມ ມາຍັງມະຫາຊົນກ້າວໜ້າຜູ້ທີ່ຈະຂະຫຍາຍເຂົ້າພັກຈະຕ້ອງໄດ້ສຶບຕໍ່ຕັ້ງໜ້າຝຶກຝົນຫຼໍ່ຫຼອມຕົນເອງໃນທຸກດ້ານ. ຈະຕ້ອງຊອກຮູ້ ຄົ້ນຄວ້າຮ່ຳຮຽນທິດສະດີມາກ - ເລນິນ, ແນວທາງຂອງ ທ່ານ ປະທານ ໄກສອນ ພົມວິຫານ ໃຫ້ເລິກເຊິ່ງ, ເປັນຜູ້ເສຍສະ, ສູ້ຊົນເພື່ອຜົນປະໂຫຍດລວມຂອງຊາດ, ດຸໝັ່ນ, ຊື່ສັດ, ປະຢັດ, ບໍລິສຸດ, ຮັບໃຊ້ຊາດຮັບໃຊ້ປະຊາຊົນ, ຈົງຮັກພັກດີຕໍ່ອຸດົມການຂອງພັກ ແລະ ປົກປັກຮັກສາຄວາມສາມັກຄີເປັນເອກະພາບພາຍໃນພັກ, ຮັບປະກັນໃນການນຳພາປວງຊົນລາວທັງຊາດ ດຳເນີນພາລະກິດປ່ຽນແປງໃໝ່ ຮອບດ້ານທີ່ມີຫຼັກການຂອງພັກ, ປົກປັກຮັກສາປະເທດຊາດໄວ້ໃຫ້ໝັ້ນຄົງ, ກໍ່ສ້າງລະບອບປະຊາທິປະ ໄຕ ປະຊາຊົນ ໃຫ້ບັນລຸຕາມເປົ້າໝາຍ ສັງຄົມນິຍົມ.

                                                                                                      # ພາບ ແລະ ຂ່າວໂດຍ: ສອນ ສີບຸນເຫຼືອງ

Found a typo? Please select it and press Ctrl + Enter.