ຄະນະໂຄສະນາອົບຮົມແຂວງ ເຂົ້າຮ່ວມກອງປະຊຸມ ແນະນຳວຽກງານການຕິດຕາມ, ກວດກາໂຄງການ.

ສ້າງຂື້ນເມື່ອ ວັນພຸດ, 14 ຕຸລາ 2020 06:16
ຂຽນໂດຍ ຄອຂ ອັດຕະປື

ຮອງຫົວໜ້າຄະ​ນະ​ໂຄ​ສະ​ນາ​ອົບ​ຮົມ​ແຂວງ​ ເຂົ້າ​ຮ່ວມກອງ​ປະ​ຊຸມ ແນະ​ນຳວຽກງານ​ການ​ຕິດ​ຕາມ, ກວດ​ກາ​ໂຄງ​ການພັດທະນາທີ່ເມືອງສະໜາມໄຊ​ ຕາມທິດສ້າງສັງຄົມນິຍົມແຕ່ຮາກຖານຂື້ນມາ.

            ຕອນບ່າຍຂອງວັນທີ 24/09/2020 ທ່ານ ດາວວັນ ຫຼວງອາໄພ ຄະນະພັກ, ຮອງຫົວໜ້າຄະ​ນະ​ໂຄ​ສະ​ນາ​ອົບ​ຮົມ​ແຂວງ​ ໄດ້​ເຂົ້າ​ຮ່ວມກອງ​ປະ​ຊຸມ ແນະ​ນຳວຽກງານ​ການ​ຕິດ​ຕາມ, ກວດ​ກາ​ໂຄງ​ການ​ພັດ​ທະ​ນາ​ທີ່​ເມືອງ​ສະ​ໜາ​ມ​ໄຊ ຕາມ​ທິດສ້າງ​ສັງ​ຄົມ​ນິ​ຍົມ​ແຕ່​ຮາກ​ຖານ​ຂື້ນ​ມາ, ພາຍ​ໃຕ້​ການ​ເປັນ​ປະ​ທານຂອງ ທ່ານ​ ບຸນ​ຮຽນ ແກ້ວ​ບົວ​ພາດ ຄະ​ນະ​ປະ​ຈຳ​ພັກ​ແຂວງ ປະ​ທານ ກວດ​ກາ​ພັກ-ລັດ​ແຂວງ, ມີ​​ບັນ​ດາ​ພະ​ແນ​ກການ​ທີ່​ກ່ຽວ​ຂ້ອງຂັ້ນ​ແຂວງ, ຂັ້ນເມືອງ ແລະ ນາຍ​ບ້ານ​ເຂົ້າ​ຮ່ວມຈຳ​ນ​ວນ​ທັງ​ໝົດ 60 ທ່ານ, ຍິງ 6 ທ່ານ.

               ພິທີດັ່່ງກ່າວ ທ່ານ ບຸນຮຽນ ແກ້ວບົວພາດ ຄະນະປະຈຳພັກແຂວງ ປະທານກວດກາພັກ - ລັດແຂວງ ໄດ້ຍັງໄດ້ອະທິບາຍວ່າ ສັງຄົມນິຍົມແມ່ນສ້າງຂື້ນບົນພື້ນຖານກຳມະສິດຂອງລັດ ແລະ ລວມໝູ່, ສະນັ້ນ ຢູ່ໃນສັງຄົມຈະບໍ່ມີຊົນຊັ້ນ ບໍ່ມີການກົດຂີ່ຂູດຮີດ, ບໍ່ມີສະພາວະຫຼຸດໂຕນກັນ ດ້ານລາຍໄດ້ ລະຫວ່າງຜູ້ອອກແຮງງານ ດ້ວຍມັນສະໝອງ ແລະ ອອກແຮງງານດ້ວຍຕີນມື ກໍຄືລະຫວ່າງຕົວເມືອງກັບຊົນນະບົດ; ທຸກຄົນອອກແຮງງານຕາມຄວາມສາມາດ ແລະ ໄດ້ຮັບສ່ວນແບ່ງຕາມໝາກຜົນການອອກແຮງງານ; ສະຫວັດດີການສັງຄົມນັບມື້ນັບເພີ່ມຂື້ນ ຕາມລຳດັບການຂະຫຍາຍຕົວທາງເສດຖະກິດ; ທຸກຄົນໃນສັງຄົມ ດຳລົງຊີວິດຢ່າງມີເສລີພາບ ແລະ ມີເງື່ອນໄຂຂະຫຍາຍຕົວຢ່າງຮອບດ້ານ.                                                                                                                                                                # ໂດຍ: ສົມໝາຍ ສີຍາລາດ

Found a typo? Please select it and press Ctrl + Enter.