ກົມໂຄສະນາ ລົງເຄື່ອນໄຫວເກັບກຳຂໍ້ມູນ ໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຢູ່ແຂວງອັດຕະປື.

ກົມໂຄສະນາ ຄະນະໂຄສະນາອົບຮົມສູນກາງພັກ ລົງເຄື່ອນໄຫວເກັບກຳຂໍ້ມູນ ໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຢູ່ແຂວງອັດຕະປື.

       

           ໃນຕອນເຊົ້າຂອງວັນທີ 26 ຕຸລາ 2020 ກົມໂຄສະນາ ຄະນະໂຄສະນາອົບສູນກາງພັກ ສົມທົບກັບຄະນະໂຄສະນາອົບຮົມແຂວງ ລົງເຄື່ອນໄຫວເກັບກຳຂໍ້ມູນ ກ່ຽວກັບການສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຂອງ 3 ໜ່ວຍພັກ ຢູ່ແຂວງອັດຕະປື ນຳໂດຍ: ທ່ານ ນາງ ພວງມາລີ ອັກຄະມຸນຕີ ຮອງກົມໂຄສະນາ ຄະນະໂຄສະນາອົບຮົມສູນກາງພັກ ພ້ອມດ້ວຍຄະນະ.  ໃນການລົງຄັ້ງນີ້ກໍ່ໄດ້ເຂົ້າພົບ ແລະ ສຳພາດໜ່ວຍພັກ ຄະນະຈັດຕັ້ງແຂວງ, ໜ່ວຍພັກກວດກາພັກ-ລັດແຂວງ ແລະ ໜ່ວຍພັກຄົ້ນຄວ້າ-ສັງລວມຫ້ອງວ່າການແຂວງ ຕໍ່ການຈັດຕັ້ງປະຕິບັດວຽກງານໃນໄລຍະ 5 ປີ ຜ່ານມາ ແລະ ທິດທາງໃນຕໍ່ໜ້າ. ຈາກນັ້ນໄດ້ລົງສຳພາດຮ້ານອາຫານຄື: ຮ້ານອາຫານ ຄຳຫວັນ ປ່າມ່ວງ, ຮ້ານອາຫານແມ່ສຸກ, ຮ້ານອາຫານແຊບອັດຕະປື ແລະ ອາຫານເຮືອແພນາງ-ກຸຫຼາບ. ເພື່ອຂຽນບົດໂຄສະນາຜ່ານສື່ ເຮັດໃຫ້ການເຄື່ອນໄຫວວຽກງານໂຄສະນາມີການປ່ຽນແປງໃໝ່ໃນທາງທີ່ດີຂຶ້ນ ທາງດ້ານເນື້ອໃນ, ຮູບການ ແລະ ວິທີການ ໃນການເຜີຍແຜ່ຂໍ້ມູນຂາວສານຕ່າງໆວ່ອງໄວ ແລະ ທັນເຫດການ.

                                                                                                                                        ໂດຍ: ລັດດາວັນ ວິໄລສານ

Found a typo? Please select it and press Ctrl + Enter.