ວັນທີ 13 ພະຈິກ 2024; ຢູ່ທີ່ຫ້ອງປະຊຸມຄະນະໂຄສະນາອົບຮົມແຂວງ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ ຕຳແໜ່ງບໍລິຫານ ປະເພດ 5,6 ແລະ ວິຊາການ ປະຈຳປີ 2024. ໂດຍການເປັນປະທານ ຂອງທ່ານ ບຸນຮອນ ໄຊຍະວົງ ຄະນະພັກ, ຮອງຫົວໜ້າຄະນະໂຄສະ ນາອົບຮົມແຂວງ, ມີຫົວໜ້າຂະແໜງ, ຮອງຫົວໜ້າຂະແໜງ ແລະ ວິຊາການພາຍໃນເຂົ້າຮ່ວມຢ່າງພ້ອມພຽງ.
ໃນກອງປະຊຸມທ່ານປະທານ ໄດ້ແນະນຳວິທີການ, ເນື້ອໃນ ຂັ້ນຕອນການປະເມີນ ຕາມດຳລັດເລກທີ 300/ລບ ເພື່ອແນໃສ່ເຮັດໃຫ້ການປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2024 ໃຫ້ມີປະສິດທິພາບ ແລະ ປະສິດທິຜົນ, ການປະເມີນຕົນເອງ ແລະ ໃຫ້ຄະແນນລວມໝູ່ຕ້ອງເບິ່ງຕາມສະພາບຄວາມເປັນຈິງ ໂດຍອີງໃສ 3 ເນື້ອໃນມາດຖານວັດແທກ ຄື: ດ້ານຄຸນທາດການເມືອງ-ຄຸນສົມບັດສິນທຳປະຕິວັດ; ດ້ານຄວາມຮູ້, ຄວາມສາມາດ-ປະ ສົບການ ແລະ ດ້ານຜົນສຳເລັດໃນການປະຕິບັດໜ້າທີ່ວຽກງານ. ຫຼັງຈາກນັ້ນ, ພະນັກງານ-ລັດຖະກອນ ແຕ່ລະທ່ານໄດ້ຂື້ນຜ່ານບົດເກັບກ່ຽວຜົນງານຂອງຕົນ ເອງ ໃນໄລຍະ 1 ປີຜ່ານມາ, ເຊິ່ງມີທັງວຽກງານຜົນສໍາເລັດ, ຈຸດດີ, ຈຸດອ່ອນ-ຂໍ້ຄົງຄ້າງ, ວິທີແກ້ໄຂໃນຕໍ່ໜ້າ ແລະ ຜ່ານຄະແນນປະເມີນຜົນຂອງຕົນເອງ ພ້ອມນັ້ນໝູ່ຄະນະກໍ່ໄດ້ປະກອບຄຳຄິດເຫັນໃສ່ ເພື່ອກໍ່ສ້າງຊ່ວຍເຫຼືອເຊິ່ງກັນ ແລະ ກັນ, ເສີມຂະຫຍາຍຈຸດດີ ປັບປຸງຈຸດອ່ອນ ແລະ ເຮັດໃຫ້ກອງປະຊຸມຄັ້ງນີ້ມີບັນຍາກາດຟົດຟຶ້ນ, ກວ້າງຂວາງ ແລະ ມີເນື້ອໃນໜັກແໜ້ນ.
ໃນຕອນທ້າຍກອງປະຊຸມ ຍັງໄດ້ຮັບຟັງການໂອ້ລົມຈາກທ່ານປະທານ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສຳເລັດ ແລະ ຍາດມາໄດ້ໃນຫຼາຍດ້ານ, ຕໍ່ຜົນງານດັ່ງກ່າວ ນອກນັ້ນ, ທ່ານຍັງໄດ້ເນັ້ນໜັກຫລາຍບັນຫາ ຮຽກຮ້ອງມາຍັງພະນັກງານ-ລັດຖະກອນທັງໝົດຈະຕ້ອງໄດ້ບຸກບືນສູ້ຊົນຕໍ່ໜ້າວຽກ ພ້ອມທັງປັບປຸງແບບແຜນວິທີການນຳພາ,ວິທີການເຮັດວຽກໃຫ້ມີຄວາມສອດຄ່ອງ ແລະ ພ້ອມກັນເອົາໃຈໃສ່ປັບປຸງແກ້ໄຂຂໍ້ຄົງຄ້າງໃຫ້ດີຂື້ນເປັນກ້າວໆ..
ພາບ-ຂ່າວ:ຄະນະໂຄສະນາອົບຮົມແຂວງ.