ວັນທີ 10 ພຶດສະພາ 2024 ຄະນະໂຄສະນາອົບຮົມແຂວງ ເປີດກອງປະຊຸມແນະນໍາວຽກງານຄົ້ນຄ້ວາ-ສັງລວມຫາງສຽງສັງຄົມຢູ່ທີຫ້ອງປະຊຸມຊັ້ນ2 ຂອງຄະນະໂຄສະນາອົບຮົມແຂວງ ໂດຍເປັນປະທານ ທ່ານ ສຸລິຍັນ ດວງປັນຍາ ຮອງຫົວໜ້າຄະນະໂຄສະນາອົບຮົມແຂວງ, ຮອງຂະແໜງ, ພະນັກງານວິຊາການຄະນະໂຄສະນາອົບຮົມ 5 ເມືອງ, ພ້ອມພະນັກງານວິຊານການພາຍໃນຂະແໜງທີ່ກ່ຽວຂ້ອງເຂົ້າຮ່ວມ.
ກອງປະຊຸມປະທານໄດ້ບັນຍາຍບາງເນື້ອໃນເອກະສານ.ບັນຫາພື້ນຖານກ່ຽວກັບວຽກງານຫາງສຽງສັງຄົມ,ວິທີການເກັບກໍາ ແລະ ການນໍາໃຊ້ຫາງສຽງສັງຄົມ ເຂົ້າໃນວຽກງານການເມືອງ-ແນວຄິດ,ຕາໜ່າງເພື່ອນຮ່ວມງານ,ວຽກງານຄົ້ນຄວ້າ-ສັງລວມໃນກອງປະຊຸມກໍ່ມີການແລກປ່ຽນຄໍາຄິດຄໍາເຫັນຫລາຍບັນຫາ ສະພາບຫາງສຽງທີ່ຕັ້ງໜ້າ-ດ້ານຫຍໍ້ທໍ້ ແລະ ວິທີການແກ້ໄຂຈັດຕັ້ງປະຕິບັດວຽກງານໃນຕໍ່ໜ້າ. ຈຸດປະສົງ: ເພື່ອໃຫ້ພະນັກງານຜູ້ເຂົ້າຮ່ວມມີຄວາມຮັບຮູ້ ແລະ ຄວາມເຂົ້າໃຈ ກ່ຽວກັບຄວາມໝາຍ ຄວາມສໍາຄັນ, ພາລະບົດບາດ ແລະ ໜ້າທີ່ຂອງວຽກງານຄົ້ນຄວ້າ – ສັງລວມ, ເຫັນໄດ້ຄວາມສໍາຄັນ ຂອງພະນັກງານທີ່ເຮັດວຽກງານຄົ້ນຄ້ວາ-ສັງລວມເງື່ອນໄຂມາດຖານ ແລະ ຄຸນທາດຂອງພະນັກງານຄົ້ນຄວ້າ-ສັງລວມ.
ໃນຕອນທ້າຍປະທານ ກໍ່ໄດ້ເນັ້ນໜັກໃຫ້ພະນັກງານ ເຮັດວຽກງານຄົ້ວາ-ສັງລວມ ເພີ່ມທະວີ,ເອົາໃຈໃສ່ເກັບກຳສະພາບແນວຄິດຫາງສຽງສັງຄົມ,ຍຶດໝັ້ນ,ຈໍາແນກໄດ້,ເຂົ້າໃຈແນວທາງນະໂຍບາຍ, ກຳແໜ້ນແນວທາງມະຕິກອງປະຊຸມໃຫ່ຍຂອງພັກ, ໃຫ້ສາມາດກຳແໜ້ນ, ພາລະບົດບາດ, ໜ້າທີ່, ບ່ອນອີງ, ທັດສະນະ,ຫຼັກການ,ເຕັກນິກ ແລະ ປັດໃຈ ເພື່ອປັບປຸງຍົກສູງລະດັບຄວາມສາມາດໃນການເປັນເສນາທິການ ດ້ານການຄົ້ນຄ້ວາ-ສັງລວມ.
ພາບ-ຂ່າວ: ຄະນະໂຄສະນາອົບຮົມແຂວງ.
