ແຕ່ປີ 2026-2030 ແຂວງອັດຕະປືຈະສູ້ຊົນໃຫ້ລະດັບການເຕີບໂຕຂອງກະສິກຳ ສະເລ່ຍໃຫ້ໄດ້ 5.59 %, ສະເພາະແຜນປີ 2026 ວາງແຜນໄວ້ທີ 5.7%, ປະກອບສ່ວນເຂົ້າໃສ່ GDP, 42.40%, ໃນນັ້ນ ດ້ານປູກຝັງ 7.9% ປະກອບສ່ວນ GDP, 28.70%, ດ້ານລ້ຽງ 5.40% ປະກອບສ່ວນ GDP, 8.30%, ດ້ານປ່າໄມ້ 4.20% ປະກອບສ່ວນ GDP, 0.70%, ດ້ານການປະມົງ 5.30% ປະກອບສ່ວນ GDP, 4.70%.
ທ່ານ ສາຍທາລາ ໂສທິດາ ຮອງຫົວໜ້າພະແນກກະສິກຳ ແລະ ສິ່ງແວດລ້ອມແຂວງອັດຕະປື, ໄດ້ລາຍຕໍ່ກອງປະຊຸມປະຈໍາປີ 2025 ຄັ້ງວັນທີ 20 ມີນາ 2026 ໃຫ້ຮູ້ວ່າ: ໃນ 5 ປີຕໍ່ໜ້າ(2026-2030) ພະແນກກະສິກໍາ ແລະ ສິ່ງແວດລ້ອມແຂວງອັດ ຕະປືຈະສູ້ຊົນໃຫ້ສໍາເລັດໃນ 7 ຄາດໝາຍ ແລະ 4 ວຽກຈຸດສຸມ ໃຫ້ບັນລຸຕາມກຳນົດເປັນຕົ້ນ: ເຊິ່ງຈະສຸມໃສ່ ບັນດາໜ້າວຽກທີ່ກຳນົດໄວ້ໃນ 7 ແຜນງານ ແລະ 4 ວຽກຈຸດສຸມປິ່ນອ້ອມ ຄື:
1). ແຜນງານສົ່ງເສີມການຜະລິດກະສິກາ ເພື່ອຄໍ້າປະກັນດ້ານສະບຽງອາຫານ ແລະ ໂພຊະນາກ ຜະລິດເຂົ້າເປືອກ ໃຫ້ໄດ້ 463,334 ໂຕນ/5 ປີ, ສະເລ່ຍ 92,668 ໂຕນ/ປີ, ພືດສະບຽງອາຫານ ໃຫ້ໄດ້ 136,034 ໂຕນ ຫຼື ໃຫ້ໄດ້ປະມານ 27,207 ໂຕນ/ປີ, ສະໜອງອັດຕາການບໍລິໂພກທາດຊີ້ນໃຫ້ໄດ້ 70 ກິໂລ/ຄົນ/ປີ ຫຼື ຮັບປະກັນໂພສະນາການໃຫ້ແກ່ ປະຊາຊົນໄດ້ຮັບພະລັງງານ 440 ກິໂລກຣໍຣີ/ຄົນ/ວັນ.
2). ແຜນງານສົ່ງເສີມການຜະລິດກະສິກໍາເປັນສິນຄ້າ ແລະ ປຸງແຕ່ງຂັ້ນຕົ້ນ ເພື່ອຊົມໄຊ້ພາຍໃນ ແລະ ສົ່ງອອກ: ສູ້ຊົນຜະລິດພືດເປັນສິນຄ້າໃຫ້ໄດ້ໃຫ້ໄດ້ 1,679,470 ໂຕນ/ປີ, ໃນນັ້ນ: ເຂົ້າ ໃຫ້ໄດ້ 4,422 ໂຕນ, ກາເຟ 2,932 ໂຕນ/ປີ, ສາລີອາຫານສັດໃຫ້ໄດ້ ໃຫ້ໄດ້ 300 ໂຕນ/ປີ, ມັນຕົ້ນ ໃຫ້ໄດ້ 670,389 ໂຕນ/ປີ, ອ້ອຍໃຫ້ໄດ້ 658,749 ໂຕນ/ປີ, ຢາງພາລາໃຫ້ໄດ້ 15,510 ໂຕນ/ປີ, ໝາກໂມ ໃຫ້ໄດ້ 576 ໂຕນ/ປີ, ໝາກຖົ່ວລຽນ 4,478 ເຮັກຕາ, ເນື້ອທີ່ເກັບກ່ຽວ 744 ເຮັກຕາ ຜົນຜະລິດໃຫ້ໄດ້ 3,723 ໂຕນ/ປີ ແລະ ພຶດອື່ນໆ.
3). ແຜນງານຄຸ້ມຄອງ, ປົກປັກຮັກສາ ແລະ ນໍາໃຊ້ປ່າໄມ້, ສູ້ຊົນເຮັດໃຫ້ເນື້ອທີ່ປົກຫຸ້ມປ່າໄມ້ບໍ່ໃຫ້ຫຼຸດ 81.75%, ສູ້ຊົນຂຶ້ນທະບຽນສວນປູກໃຫ້ໄດ້ 1,000 ເຮັກຕາ, ເກັບແກ່ນພັນໄມ້ໃຫ້ໄດ້ 450 ກິໂລ, ຜະລິດເບ້ຍໄມ້ໃຫ້ໄດ້ 38 ພັນກວ່າເບ້ຍ, ປູກປ່າໃຫ້ໄດ້ 701 ເຮັກຕາ ແລະ ຟື້ນຟູປ່າ 10 ພັນ 630 ເຮັກຕາ, ກວດກາສະກັດກັ້ນການລັກລອບຊື້-ຂາຍໄມ້, ການປູກລູກເນື້ອທີ່ດິນປ່າໄມ້, ການຊື້ – ຂາຍສັດປ່າ ແລະ ລັກລອບຂຸດຄົ້ນໄມ້ທີ່ບໍ່ໄດ້ຮັບອະນຸຍາດ ຈໍານວນ 3,682 ແມັດກ້ອນ ແລະ ຄະດີລັກລອບເຄື່ອນຍ້າຍໄມ້ເຂົ້າໂຮງງານ ບ້ານ ດົງບາກ ເມືອງສະໜາມໄຊ ໄມ້ ຈໍານວນ 1 ພັນ 287 ຕັບ, ບໍລິມາດ 268 ແມັດກ້ອນ.ກວດການໍາໃຊ້ຊັບພະ ຍາກອນທຳມະຊາດ ແລະ ສິ່ງແວດລ້ອມ ພະລັງງານ, ບໍ່ແຮ່ EIA = 15 ໂຄງການ = 150 ຄັ້ງ, EE = 7 ໂຄງການ = 70 ຄັ້ງ, ກວດກາຕົນ, ຊີວະນາໆພັນ EIA = 8 ໂຄງການ = 80 ຄັ້ງ, IEE = 17 ໂຄງການ = 170 ຄັ້ງ. ຮ່ວມປະເມີນຜົນກະທົບຕໍ່ສິ່ງແວດລ້ອມ ແລະ ແກ້ໄຂບັນຫາຜົນກະທົບຕໍ່ສິ່ງແວດລ້ອມ.
4). ແຜນງານຈັດສັນ ແລະ ຄຸ້ມຄອງທີ່ດິນຜັນຂະຫຍາຍແຜນຈັດສັນທີ່ດິນ, ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍສໍາ ຫຼວດ ແລະ ຈັດ ສັນທີ່ດິນ ເພື່ອກຳນົດປະເພດທີ່ດິນ 8 ປະເພດ ໃຫ້ສຳເລັດໃນແຂວງ ໃນປີ 2030, ສືບຕໍ່ສໍາຫຼວດ ແລະ ຈັດສັນທີ່ດິນທີ່ຈະສະຫງວນ ແລະ ອະນຸລັກ 70% ແລະ ທີ່ດິນເພື່ອການ ພັດທະນາ 30%, ໃນນັ້ນ ສູ້ຊົນສືບຕໍ່ສຳຫຼວດຈັດສັນ ທີ່ດິນຂັ້ນບ້ານທີ່ນອນໃນເຂດທີ່ດິນປ່າໄມ້ໃຫ້ ສຳເລັດໃນປີ 2030, ຊຸກຍູ້ການສ້າງແຜນຈັດສັນທີ່ດິນຂັ້ນບ້ານທີ່ຢູ່ໃນເຂດທີ່ດິນປ່າໄມ້ໃຫ້ໄດ້ 89 ບ້ານ, ສໍາຫຼວດເກັບກຳຂໍ້ມູນ ຕອນດິນບຸກຄົນ, ການຈັດຕັ້ງ ແລະ ລວມຫມູ່ນໍາໃຊ້ ໃຫ້ໄດ້ 15,000ຕອນ.
5). ແຜນງານຄຸ້ມຄອງ ຊັບພະຍາກອນນໍ້າ ສືບຕໍ່ເກັບກຳຂໍ້ມູນນໍ້າໃຕ້ດິນ, ນໍ້າໜ້າດິນ ເພື່ອສັງລວມ, ຄຸ້ມຄອງ ແລະ ພັດທະນາລະບົບຖານຂໍ້ມູນ-ຂ່າວສານຊັບ ພະຍາກອນນໍ້າ ໃນຂອບເຂດຄວາມຮັບຜິດຊອບຂອງຕົນ ໂດຍສົມທົບກັນກັບພາກສ່ວນກ່ຽວຂ້ອງ ທັງຂັ້ນສູນກາງ ແລະ ທ້ອງຖິ່ນ, ປະເມີນຜົນການຈັດຕັ້ງປະຕິບັດວຽກງານຄຸ້ມຄອງ, ອະນຸລັກ, ຟື້ນຟູ, ການວັດແທກຄຸນນະພາບນໍ້າ, ປະລິມານນໍ້າໄຫຼ, ອ່າງຮັບນໍ້າ, ນໍ້າເປື້ອນ, ວັງສະຫງວນ, ນໍ້າໃຕ້ດິນ ແລະ ການນໍາໃຊ້ນໍ້າ ບັນດາ ໂຄງການພັດທະນາຕ່າງໆຢູ່ພາຍໃນແຂວງ, ສືບຕໍ່ຂະຫຍາຍຕາຫນ່າງສະຖານີອຸຕຸນິຍົມ ໃນເຂດທີ່ຈຳເປັນ, ຂະຫຍາຍຕາໜ່າງສະຖານີອຸທົກກະສາດ ໃນເຂດທີ່ມີຄວາມສ່ຽງໄພນໍ້າຖວ້ມ, ປັບປຸງ ແລະ ສ້ອມແປງສະຖານີອຸຕຸນິຍົມ 9 ແຫ່ງ ແລະ ສະຖານີ ທົກກະສາດ 9 ແຫ່ງ ທີ່ມີແລ້ວ ເພື່ອໃຫ້ນໍາໃຊ້ໄດ້ປົກກະຕິ, ຍົກລະດັບການພະຍາກອນສະພາບ ອາກາດ, ອຸທົກກະສາດ ໃຫ້ມີຄວາມຖືກຕ້ອງ, ຊັດເຈນ 80% ຂຶ້ນໄປ. ສ້າງລະບົບການຄຸ້ມຄອງດ້ານ ແລ້ງ ແລະ ຕ້ານຖ້ວມໃຫ້ມີປະສິດທິຜົນ, ຍົກລະດັບການພະຍາ ກອນອາກາດ, ສືບຕໍ່ປັບປຸງລະບົບ ພະຍາກອນການແຈ້ງເຕືອນໄພລ່ວງໜ້າ, ຫັນວຽກງານອຸຕຸນິຍົມ-ອຸທົກກະສາດ ໃຫ້ເປັນລະບົບທັນ ສະໄໝ, ຖືກຕ້ອງ, ຊັດເຈນ ແລະ ທັນກັບສະພາບການ.
6). ແຜນງານການປົກປັກຮັກສາສິ່ງແວດລ້ອມ: ຊຸກຍູ້, ສົ່ງເສີມເຜີຍແຜ່ນິຕິກຳກ່ຽວກັບສິ່ງແວດລ້ອມ ແລະ ການສ້າງໂຮງຮຽນ, ສຳນັກງານອົງການພາກ ລັດ, ເອກະຊົນ ໃຫ້ເປັນສີຂຽວ ສະອາດງາມຕາຕາມທິດສີຂຽວຢືນຢົງ, ສໍາຫຼວດ, ເກັບກຳຂໍ້ມູນ, ສ້າງແຜນທີ່ຈໍາລອງ ແລະ ຄາດຄະເນຄວາມສ່ຽງ ຈາກການປ່ຽນແປງດິນຟ້າ ອາກາດ.
7). ແຜນງານພັດທະນາຊົນນະບົດ ແລະ ແກ້ໄຂຄວາມທຸກຍາກ, ແກ້ໄຂຄອບຄົວທຸກຍາກ ໃຫ້ພົ້ນທຸກ 3,827 ຄອບຄົວ, ເຊິ່ງກວມ 94% ຂອງຄອບຄົວທຸກທັງໝົດ, ຊັບພະຍາກອນທຳມະຊາດ, ໄດ້ຮັບການປົກປັກຮັກສາ, ພັດທະນາ ແລະ ນຳໃຊ້ຢ່າງມີປະສິດທິຜົນ, ຄຸນ ນະພາບສິ່ງແວດລ້ອມດີຂຶ້ນ.
ທ່ານ ສາຍທາລາ ໂສທິດາ ຮອງຫົວໜ້າພະແນກກະສິກຳ ແລະສິ່ງແວ້ດລ້ອມແຂວງອັດຕະປື ຍັງໄດ້ລາຍງານໃຫ້ຮູ້ຕື່ມອີກວ່າ: ວຽກຈຸດສຸມ 4 ຈຸດສຸມ, ຂອງແຕ່ລະແຜນງານ ເພື່ອເຮັດໃຫ້ການຈັດຕັ້ງປະຕິບັດ 7 ແຜນງານ ຂ້າງເທິງນັ້ນ ສາມາດບັນລຸໄດ້ ຕ້ອງໄດ້ສຸມໃສ່ ບັນດາວຽກຈຸດສຸມປິ່ນອ້ອມຕ່າງໆ, ຊຶ່ງລວມມີ 04 ວຽກຈຸດສຸມຕົ້ນຕໍ:
1. ຈະໄດ້ເອົາໃຈໃສ່ ບໍລິຫານ, ເລຂານຸການ, ພິທິການ ແລະ ເສນາທິການດ້ານເອກະສານ ພ້ອມທັງອໍານວຍ ຄວາມສະດວກການຈໍລະຈອນເອກະສານຮັບປະກັນຄວາມປອດໄພຂອງເອກະສານທາງການ, ເອົາໃຈໃສ່ການສ້າງ, ໂຄສະນາເຜີຍແຜ່ ແລະ ຕິດຕາມປະເມີນຜົນນິຕິກຳ ກ່ຽວກັບວຽກງານກະສິກຳ ແລະ ສິ່ງແວດລ້ອມ ໃນໄລຍະໃໝ່, ເພີ່ມທະວີຄວາມເອົາໃຈໃສ່ໃນການຊຸກຍູ້ສ້າງ ແລະ ປັບປຸງເປັນນິຕິກຳລຸ່ມກົດໝາຍທີ່ຢູ່ໃນ ຄວາມຮັບຜິດຊອບ.
2. ສືບຕໍ່ປັບປຸງກົງຈັກການຈັດຕັ້ງ ໄປຕາມທິດກະທັດຮັດ ມີປະສິດທິພາບ, ມີຄວາມເຂັ້ມແຂງ ເພື່ອເພີ່ມຄວາມສາມາດຄຸ້ມຄອງມະຫາພາກ, ນໍາໃຊ້ເຄື່ອງມື ແລະ ເຕັກໂນໂລຊີທັນສະໄຫມ ເຂົ້າໃນການຄຸ້ມຄອງບໍລິຫານລັດ ໃຫ້ມີ ຄວາມສັກສິດ, ມີຄຸນນະພາບ, ວ່ອງໄວ, ແກ້ໄຂຂອດຂັ້ນຊັກຊ້າ ໃນການບໍລິການສັງຄົມ ແລະ ປະຊາຊົນ, ພັດທະນາບຸກຄະລາກອນ ໃຫ້ມີ ຄວາມພ້ອມດ້ານຄວາມຮູ້ ຄວາມສາມາດ, ຄຸນສົມບັນສິນທຳປະຕິວັດ ໃນການນໍາພາ-ຄຸ້ມຄອງ.
3. ສືບຕໍ່ຈັດຕັ້ງປະຕິບັດ ວຽກງານຮ່ວມມື ສອງຝ່າຍ-ຫຼາຍຝ່າຍ ລວມທັງ ບັນດາບົດບັນທຶກຊ່ວຍຈໍາ ດ້ານ ກະສິກຳ ແລະ ສິ່ງແວດລ້ອມ ໃຫ້ມີປະສິດທິພາບ ແລະ ປະສິດທິຜົນ, ສືບຕໍ່ເປັນຄູ່ຮ່ວມງານ ກັບ ອົງການຈັດຕັ້ງສາກົນຕ່າງໆໃຫ້ຍືນຍົງ. 4.ຕິດຕາມ ກວດກາ ວຽກງານພັກ, ລັດ, ຕ້ານການສໍ້ລາດບັງຫຼວງ ແລະ ຄົ້ນຄວ້າແກ້ໄຂຄໍາຮ້ອງ, ຄໍາສະເໜີ ໃຫ້ເຂັ້ມງວດ.
ຂ່າວ: ມະນີວອນ