ວັນທີ 15 ພຶດສະພາ 2024; ຢູ່ທີ່ຫ້ອງປະຊຸມ ໂຮງຮຽນ ມ.ສ.ຈັນທາ, ໄດ້ຈັດຊຸດອົບຮົມວຽກງານການເມືອງ-ແນວຄິດ ໃຫ້ແກ່ຊາວໜຸ່ມຄະນະຮາກຖານໂຮງຮຽນມ.ສ.ຈັນທາ. ໂດຍພາຍໃຕ້ການເຂົ້າຮ່ວມ ບັນລະຍາຍເອກະສານແຕ່ລະບົດ ມີທ່ານ ປອ ຄອນສະຫງ່າ ພິມມະສອນ, ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ທ່ານ ພັອ ຈັນທະໜາ ກົມມະເມືອງ, ຮອງປະທານສະຫະພັນນັກຮົບເກົ່າ, ທ່ານ ໄຊລະຄອນ ອິນທິວົງ ຮອງເລຂາຄະນະບໍລິຫານງານຊາວໝຸ່ມແຂວງ, ເລຂາຊາວໜຸ່ມ, ຄະນະຊາວໜຸ່ມ, ສະມາຊິກຊາວໜຸ່ມພາຍໃນຄະນະຮາກຖານໂຮງຮຽນມ.ສ.ຈັນທາ ເຂົ້າຮ່ວມ.
ເອກະສານທີ່ນໍາມາຝຶກອົບຮົມຊຸດນີ້ ມີຈໍານວນ 9 ບົດ ເຊິ່ງເປັນບົດທີ່ສຳຄັນໂດຍ ເນັ້ນໃສ່ໃຫ້ຜູ້ເຂົ້າຮ່ວມໄດ້ຮັບຮູ້-ເຂົ້າໃຈກ່ຽວກັບມູນເຊື້ອຂອງຊາດລາວ, ຂອງຊາວໜຸ່ມລາວ, ພັກປະຊາຊົນປະຕິວັດລາວກັບຊາວໜຸ່ມ, ສ້າງ ແລະ ບູລະນະລະບອບ ປະຊາທິປະໄຕ ປະຊາຊົນ ຕາມທິດສັງຄົມນິຍົມ, ການປົກປັກຮັກສາ ແລະ ສ້າງສາປະເທດຊາດ ພ້ອມກັນເສີມຂະຫຍາຍວັດທະນະທຳຂອງຊາດ, ເຂົ້າໃຈກ່ຽວກັບການແກ້ໄຂປະກົດການຫຍໍ້ທໍ້ໃນໝູ່ຊາວໜຸ່ມ, ຍຸດທະສາດພັດທະນາ .ວຽກງານຊາວໜຸ່ມໃນຕໍ່ໜ້າ, ຊາວໜຸ່ມກັບວຽກງານ ປ້ອງກັນຊາດ-ປ້ອງກັນຄວາມສະຫງົບ ແລະ ການຝຶກຝົນຄຸນສົມບັດ ສິນທໍາປະຕິວັດ. ບົນພື້ນຖານຄວາມຮັບຮູ້-ເຂົ້າໃຈ ເພື່ອປັບປຸງ ທັດສະນະ ຫຼັກໝັ້ນຂອງຊາວໜຸ່ມໃຫ້ມີຄວາມໜັກແໜ້ນ, ເຂັ້ມແຂງສາມາດເຮັດຫຼ້ອນໜ້າທີ່ວຽກທີ່ຕົນຮັບຜິດຊອບມີຜົນສໍາເລັດຕາມຄາດໝາຍທີ່ວາງໄວ້.
+ ພາບ-ຂ່າວ: ຄະນະໂຄສະນາອົບຮົມແຂວງ.
