ພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ທີ່ນະຄອນຫລວງວຽງຈັນໄດ້ຖ່າຍທອດສົດທາງໄກທົ່ວປະເທດ, ແຂວງ ອັດຕະປື ໄດ້ມີພິທີຮັບຟັງ-ຮັບຊົມທີ່ຫໍປະຊຸມໃຫຍ່ຂອງແຂວງ, ໃນວັນທີ 22 ມີນາ 2025 ນີ້, ໂດຍເປັນກຽດເຂົ້າຮ່ວມ ຂອງສະຫາຍ ພົທ ວັນທອງ ກອງມະນີ, ກຳມະ ການສູນກາງພັກ, ເລຂາພັກແຂວງ, ເຈົ້າແຂວງ ອັດຕະປື, ມີບັນດາສະຫາຍ ການນໍາພັກ-ລັດຂັ້ນແຂວງ ແລະ ເມືອງ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ, ພະນັກງານ, ສະມາຊິກພັກ, ອາວຸໂສບໍານານ, ນາຍບ້ານເທດສະບານ, ນັກຮຽນ, ນັກສຶກສາເຂົ້າຮ່ວມຢ່າງພ້ອມພຽງ.
ເນື່ອງໃນໂອກາດ ສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ດ້ວຍການຖ່າຍທອດສົດທາງໄກໄດ້ໄຂຂື້ນຢ່າງເປັນທາງການທີ່ນະຄອນ ຫລວງວຽງຈັນນີ້, ໂດຍສະຫາຍ ທອງລຸນ ສີສຸລິດ ເລຂາທິການໃຫ່ຍ, ຄະນະບໍລິຫານງານພັກປະຊາຊົນປະຕິວັດລາວ, ປະທານປະເທດແຫ່ງ ສປປລາວ ໄດ້ກ່າວສູນ ທອນພົດ ຕໍ່ພິທີໂຮມຊຸມນຸມ ດັ່ງກ່າວ ກ່ອນອື່ນ ສະຫາຍ ໄດ້ສະແດງຄວາມຍ້ອງຍໍສັນລະເສີນ ຕໍ່ພີນ້ອງຮ່ວມຊາດ ທີ່ຜ່ານຜ່າຄວາມຫຍຸ້ງຍາກລຳບາກ, ທີ່ໄດ້ອຸທິດສະຕິປັນຍາ ແລະ ເສຍສະຫຼະ ເລືອດເນື້ອ, ເຫື່ອແຮງທຸກສິ່ງທຸກຢ່າງເພື່ອຜົນປະໂຫຍດລວມ ຂອງປະເທດຊາດ ອັນແສນຮັກຂອງພວກເຮົາ ແລະ ໄດ້ຫວນຄືນປະ ຫວັດການກຳເນີດ, ເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າລາສີ ຂອງພັກ.
ຕະຫຼອດໄລຍະ 70 ປີຜ່ານມາແຫ່ງການນຳພາຂອງພັກຢູ່ໃນຂອບເຂດທົ່ວປະເທດໄດ້ຢັ້ງຢືນຢ່າງເດັ່ນຊັດ ເຊິ່ງພັກເຮົາສາມາດຜ່ານພົ້ນຈາກຄວາມຫຍຸ້ງຍາກ ແລະ ການທົດສອບອັນລະອິດລະອ້ຽວ ທັງໝົດນັ້ນ ກໍຍ້ອນການນໍາພາຂອງພັກປະຊາຊົນ ປະຕິວັດລາວ ແລະ ຄວາມສາມັກຄີຂອງປະຊາຊົນບັນດາເຜົ່າ ທີ່ຮ່ວມແຮງຮວ່ມໃຈກັນເຊີດຊູຈິດໃຈຮັກຊາດ, ຮັກລະ ບອບໃໝ່ ກໍຄືນໍ້າໃຈເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ ເຮັດໃຫ້ປະເທດຊາດໄດ້ຮັບການພັດ ທະນາ, ເຕີບໃຫຍ່ເຂັ້ມແຂງ ແລະ ກ້າວຂຶ້ນຢ່າງບໍ່ຢຸດຢັ້ງ.
ຂ່າວ:ພາບ: ວົງສະໄໝ.