ໃນຕອນເຊົ້າວັນທີ 25 ພະຈິກ 2024; ທ່ານ ນ.ວິລະວອນ ພັນທະວົງ ກຳມະການປະຈໍາພັກ, ປະທານກວດກາຄະນະພັກ,ຮອງຫົວໜ້າຄະນະໂຄສະນາອົບຮົມສູນກາງພັກ ພ້ອມຄະນະ ໄດ້ເຂົ້າພົບ ທ່ານ ພົນໂທ ວັນທອງ ກອງມະນີ ກຳມະການສູນກາງພັກ,ເລຂາພັກແຂວງ, ເຈົ້າແຂວງ ອັດຕະປື. ຢູ່ທີ່ຫ້ອງຮັບແຂກຂອງທ່ານເລຂາພັກແຂວງ. ເພື່ອແຈ້ງຈຸດປະສົງໃນການມາເຄື່ອນໄຫວຢຽມຢາມ ແລະ ເຮັດວຽກງານໃນຄັ້ງນີ້.
ໃນໂອກາດດັ່ງກ່າວ ທ່ານ ນ.ວິລະວອນ ພັນທະວົງ ຄະນະປະຈໍາພັກ, ປະທານກວດກາພັກ, ຮອງຫົວໜ້າຄະນະໂຄສະນາອົບຮົມສູນກາງພັກໄດ້ແຈ້ງຈຸດປະສົງໃນການມາເຮັດວຽກໃນຄັ້ງນີ້ແມ່ນ: ເພື່ອແລກປ່ຽນ ແລະ ຕິດຕາມຊຸກຍູ້ວຽກງານໂຄສະນາອົບຮົມນັ້ນກໍ່ຄືວຽກງານການເມືອງ-ແນວຄິດລະຫວ່າງສູນກາງກັບແຂວງການຜັນຂະຫຍາຍແນວທາງນະໂຍບາຍຂອງພັກ ໂດຍສະເພາະແມ່ນການຈັດຕັ້ງປະຕິບັດແນວທາງຂອງພັກ-ລັດ, ມະຕິກອງປະຊຸມໃຫ່ຍຄັ້ງທີ XI ຂອງພັກ, ມະຕິກອງປະຊຸມໃຫ່ຍຂອງຄະນະບໍລິຫານງານພັກແຂວງ, ຕິດພັນກັບການກະກຽມສະເຫຼີມສະຫລອງ 3 ວັນປະຫັວດສາດປີ 2025 ບັນຫາທີ່ພົ້ນເດັ່ນອື່ນໆ ເພື່ອນຳເອົາບັນດາຂໍ້ມູນ ໃນການເກັບກໍາຄັ້ງນີ້ນຳໄປເຜີຍແຜ່, ໂຄສະນາຜ່ານສື່ມວນຊົນ ເພື່ອໃຫ້ສັ່ງຄົມຮັບຮູ້, ເຂົ້າໃຈ ແລະ ພ້ອມກັນສືບຕໍ່ຈັດຕັ້ງປະຕິບັດ ເນື້ອໃນຈິດໃຈມະ ຕິກອງປະຊຸມໃຫຍ່ ຄັ້ງທີ XI ຂອງພັກ ຕິດພັນກັບການກະກຽມກອງປະຊຸມໃຫ່ຍ 3 ຂັ້ນ ແລະ ການກະກຽມສະເຫຼີມສະຫລອງ 3 ວັນປະຫັວດສາດໃຫ້ປະກົດຜົນເປັນຈິງ..
ໃນນັ້ນ ທ່ານ ພົນໂທ ວັນທອງ ກອງມະນີເລຂາພັກແຂວງ ໄດ້ກ່າວຕ້ອນຮັບ ແລະ ລາຍງານໂດຍສັງເຂບ ຜົນສຳເລັດອັນພົ້ນເດັ່ນໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງພ້ອມທັງໃຫ້ທິດຕໍ່ການນໍາພາ-ຊີ້ນໍາໂດຍສະເພາະການນຳພາ-ຊີ້ນຳວຽກງານການເມືອງ-ແນວຄິດ, ວຽກພັກພະນັກງານ ແລະ ສະພາບຫາງສຽງສັງຄົມໃຫ້ມີຄວາມໜັກແໜ້ນ.
-ພາວ:ຂ່າວ:ຄະນະໂຄສະນາອົບຮົມແຂວງ.