ກອງປະຊຸມໃຫຍ່ຜູ້ແທນອົງຄະນະພັກເມືອງ ໄຊເຊດຖາ ຄັ້ງທີ່ IX ໄດ້ດຳເນີນມາແຕ່ວັນທີ 24 ແລະ ໄດ້ສຳເລັດລົງຢ່າງຈົບງາມ ໃນວັນທີ 25 ກຸມພານີ້ ໂດຍການເປັນປະທານຂອງ ສະຫາຍ ສີໄລ ສີສະແຫວງສຸກ ກຳມະການພັກແຂວງ, ເລຂາຄະນະບໍລິຫານງານພັກເມືອງ, ເຈົ້າເມືອງໆໄຊເຊດຖາ, ເປັນກຽດເຂົ້າຮ່ວມຊີ້ນຳກອງປະ ຊຸມມີ ສະຫາຍ ຄຳບຸນ ດວງພະບາງ ຮອງເລຂາພັກແຂວງ ຜູ້ຊີ້ນຳຂົງເຂດວຽກງານພັກ-ພະນັກ ງານ, ມີບັນດາສະຫາຍຮອງເລຂາພັກ, ຄະນະປະຈຳພັກແຂວງ, ຄະ ນະນຳກ່ຽວຂ້ອງຂັ້ນແຂວງ, ບັນດາ ສະຫາຍ ໃນອົງຄະນະພັກເມືອງພ້ອມດ້ວຍ ແຂກທີ່ຖືກເຊີນແລະ ບັນດາສະຫາຍຜູ້ແທນສົມບູນຈໍານວນ 125 ສະຫາຍ, ຍິງ 21 ສະຫາຍ ທີ່ໄດ້ເປັນຕົວແທນໃຫ້ແກ່ສະມາຊິກພັກທົ່ວເມືອງ 1.628 ສະ ຫາຍເຂົ້າຮ່ວມ.
ກອງປະຊຸມໃຫຍ່ຜູ້ແທນທົ່ວເມືອງ ໄຊເຊດຖາ ໄດ້ສະຫຼູບຕີລາຄາຄືນການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກເມືອງຕະ ຫຼອດໄລຍະ 5 ປີຜ່ານມາ ເຫັນວ່າມີຜົນສໍາເລັດຫຼາຍດ້ານ ເປັນຕົ້ນ ທົ່ວເມືອງ ແມ່ນມີສະຖຽນລະພາບທາງດ້ານການເມືອງອັນໜັກແໜ້ນ, ທົ່ວສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ເສດ ຖະກິດ-ສັງຄົມ ມີການພັດທະນາດ້ວຍບາດກ້າວ ແລະ ທ່ວງທ່າໃໝ່, ປະຊາຊົນບັນດາເຜົ່າມີຄວາມສາມັກຄີປອງດອງ,ພື້ນຖານໂຄງລ່າງຂອງເມືອງກໍ່ໄດ້ຮັບການປັບປຸງແກ້ໄຂ, ຊີວິດການເປັນຢູ່ຂອງປະຊາຊົນກໍ່ໄດ້ຮັບການປັບປຸງດີຂື້ນເປັນກ້າວໆ, ອັດຕາສ່ວນຄວາມທຸກຍາກໄດ້ຫຼຸດໜ້ອຍ ຖອຍ ລົງໄດ້ 7,336 ຄອບຄົວ, ເທົ່າກັບ 92,31%, ບ້ານພົ້ນທຸກ 21 ບ້ານ ເທົ່າກັບ 95,4% ແລະ ຄອບຄົວ ພັດທະນາ 6,937 ຄອບຄົວ ເທົ່າກັບ 87,29%, ມີບ້ານພັດທະນາ 15 ບ້ານ ເທົ່າກັບ 68%, ການຂະຫຍາຍຕົວທາງດ້ານເສດຖະກິດຂອງເມືອງສະເລ່ຍ 5,8% ເທົ່າກັບ 72,5% ລວມຍອດລາຍຮັບຕົວຈິງຂອງປະຊາ ຊົນ 487 ຕື້ກວ່າກີບ, ເທົ່າກັບ 88%, ສະເລ່ຍລາຍຮັບຕໍ່ຫົວຄົນໄດ້ 12,5 ລ້ານກວ່າກີບ/ຄົນ/ປີ ເທົ່າກັບ 82% ໃນນີ້, ຂະແໜງກະສິກຳ ຂະຫຍາຍຕົວ 2,1% ກວມເອົາ 36%, ຂະແໜງອຸດສາຫະກຳຂະຫຍາຍຕົວ 1,9% ກວມເອົາ 30,45% ແລະ ຂະແໜງບໍລິການ ຂະຫຍາຍຕົວ 1,8% ກວມເອົາ 28%.
ກອງປະຊຸມຍັງໄດ້ເປັນເອກະສັນກັນຮັບຮອງແຜນການພັດທະນາເສດຖະກິດ-ສັງຄົມ 5 ປີ ຕໍ່ໜ້າ ແຕ່ປີ 2025- 2029 ເຊິ່ງຄາດໝາຍສູ້ຊົນຕົ້ນຕໍທາງດ້ານເສດຖະກິດ ຈະສຸມໃສ່ເຮັດໃຫ້ອັດຕາການຂະຫຍາຍຕົວຂອງເສດຖະກິດໃຫ້ໄດ້ 6 ຫາ 7,5% ຕໍ່ປີ, ລວມຍອດລາຍຮັບຕົວຈິງຂອງປະຊາຊົນໃຫ້ໄດ້ 625 ຕື້ກວ່າກີບ, ສະເລ່ຍລາຍຮັບຕົວຈິງຂອງປະຊາຊົນໃຫ້ໄດ້ 15-20 ລ້ານກີບ/ຄົນ/ປີ, ໂຄງປະກອບເສດຖະກິດ ຮອດປີ 2029 ຂະແໜງກະສິກຳຂະຫຍາຍຕົວ 2,5% ກວມເອົາ 33,3%, ຂະແໜງອຸດສາຫະກຳຂະຫຍາຍຕົວ 2% ກວມເອົາ 26,7% ແລະ ຂະ ແໜງບໍລິການ ຂະຫຍາຍຕົວ 3% ກວມເອົາ 40%.ກອງປະຊຸມໃຫຍ່ຄັ້ງນີ້ຍັງໄດ້ປ່ອນບັດເລືອກເອົາຄະນະບໍລິຫານງານພັກເມືອງ ຊຸດທີ່ IX ເຊິ່ງມີຜູ້ສະໝັກເລືອກຕັ້ງ 29 ສະຫາຍ, ຍີງ 4 ສະຫາຍ ສາມາດເລືອກໄດ້ຢ່າງສົມບູນ 25 ສະຫາຍ, ຍິງ 3 ສະຫາຍ ແລະ ເລືອກເອົາຄະນະປະຈຳພັກເມືອງຈຳນວນ 7 ສະຫາຍ, ຍິງ 1 ສະ ຫາຍ, ຜ່ານການດຳເນີນກອງປະຊຸມຄັ້ງປະຖົມມະລຶກ ກອງປະຊຸມໄດ້ເລືອກເອົາ ສະຫາຍ ສີໄລ ສີສະແຫວງສຸກ ເປັນເລຂາຄະນະບໍລິຫານງານພັກເມືອງ, ສະຫາຍ ຄຳແບນເເກ້ວ ນິສະຫວັນ ເປັນຮອງເລຂາຄະນະບໍລິ ຫານງານພັກເມືອງ, ສະຫາຍ ພອນໄຊ ໄກສອນເສນາ ເປັນຮອງເລຂາຄະນະບໍລິຫານງານພັກເມືອງ, ສະຫາຍ ສຸລິກາ ຈັນທະຄຳເມີ ເປັນປະທານຄະນະກວດກາພັກເມືອງ, ສະຫາຍ ສຸກກອນ ດຳມະຈັນ ເປັນຮອງປະທານຄະນະກວດກາພັກເມືອງ, ສະຫາຍ ໂພສາ ທອງສະຫວັດ ເປັນຮອງປະທານຄະນະກວດກາພັກເມືອງ ແລະ ເລືອກໄດ້ຜູ້ແທນສົມບູນອີກ 17 ສະຫາຍ ເຂົ້າຮ່ວມກອງປະຊຸມໃຫຍ່ອົງຄະນະພັກແຂວງ ຄັ້ງທີ XII.
ກອງປະຊຸມໃຫຍ່ສຳຄັນຄັ້ງນີ້ ສະຫາຍ ຄຳບຸນ ດວງພະບາງ ຮອງເລຂາພັກແຂວງ ຍັງໄດ້ໂອ້ລົມໃຫ້ທິດຊີ້ນຳ ການຈັດຕັ້ງປະຕິບັດໜ້າທີ່ຂອງອົງຄະນະພັກເມືອງຊຸດໃໝ່ໃນຕໍ່ໜ້າ ໂດຍສະເພາະແມ່ນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງຜູ້ແທນອົງຄະນະພັກເມືອງ ໃຫ້ໄດ້ຮັບຜົນສຳເລັດ ຕາມຄາດໝາຍທີ່ວາງໄວ້, ຄະນະພັກ, ອົງການຈັດຕັ້ງທຸກຂັ້ນຕ້ອງກຳແໜ້ນແນວທາງນະໂຍບາຍຂອງພັກ-ລັດ ແລະ ນິຕິກຳຕ່າງໆ, ເອົາໃຈໃສ່ປັບປຸງການຈັດຕັ້ງ, ແບ່ງຂັ້ນຄຸ້ມຄອງ, ແບ່ງຄວາມຮັບຜິດຊອບລະຫວ່າງແຂວງ, ເມືອງບ້ານໃຫ້ມີຄວາມເປັນເອກະພາບ ແລະ ຂາດຕົວໃນການຄຸ້ມຄອງລັດຄຸ້ມຄອງສັງຄົມດ້ວຍລະບຽບກົດໝາຍໃຫ້ເຂັ້ມງວດ, ພ້ອມກັນຂຸດຄົ້ນ ແລະ ນຳໃຊ້ທ່າແຮງບົ່ມຊ້ອນທີ່ມີຂອງເມືອງເຂົ້າໃນການພັດທະນາພື້ນຖານໂຄງລ່າງຕິດພັນກັບການບໍ່ລິການ, ການທ່ອງທ່ຽວແນ່ໃສ່ສ້າງລາຍຮັບໃຫ້ແກ່ຜູ້ປະກອບການ, ຫົວໜ່ວຍທຸລະກິດ, ປະຊາຊົນບັນດາເຜົ່າມີລາຍຮັບ ແລະ ລຸດພົ້ນອອກຈາກຄວາມທຸກຍາກເທື່ອລະກ່າວ.
ໂດຍ: ສາຍນ້ຳເຊກອງ