ກອງປະຊຸມຄັ້ງປະຖົມມະລືກ ຂອງສະພາປະຊາຊົນແຂວງອັດຕະປື ຊຸດທີ V ໄດ້ໄຂຂຶ້ນຢ່າງເປັນທາງ ການໃນວັນທີ 23 ເມສາ 2026 ທີ່ຫ້ອງປະຊຸມສະພາປະຊາຊົນແຂວງ, ໂດຍການເປັນປະທານຂອງ ທ່ານ ນາງ ມີນາພອນ ໄຊສົມພູ ປະທານສະພາປະຊາຊົນແຂວງ ຊຸດທີ IV, ໃຫ້ກຽດເຂົ້າຮ່ວມຂອງ ທ່ານ ບຸນເຖິງ ດວງສະຫວັນ ກຳມະການສູນກາງພັກ, ເລຂາພັກແຂວງ, ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 17, ມີບັນດາທ່ານການນໍາຂອງແຂວງ, ບັນດາທ່ານສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 17, ສະມາຊິກສະພາປະຊາຊົນແຂວງ ແລະ ແຂກຖືກເຊີນເຂົ້າຮ່ວມ.
ທ່ານ ນາງ ມີນາພອນ ໄຊສົມພູ ໄດ້ກ່າວໄຂກອງປະຊຸມວ່າ: ກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງ ຊຸດທີ V ເທື່ອນີ້ ຈະໄດ້ສຸມໃສ່ພິຈາລະນາ ແລະ ຕົກລົງບັນຫາສໍາຄັນພື້ນຖານຂອງແຂວງ ຄື: ຮັບຟັງການລາຍງານຂອງຄະນະກຳມະການເລືອກຕັ້ງຂັ້ນແຂວງ ກ່ຽວກັບຜົນຂອງການເລືອກຕັ້ງ ແລະ ການຢັ້ງຢືນຄຸນລັກສະນະຂອງສະມາຊິກສະພາປະຊາຊົນຂັ້ນແຂວງ ຊຸດທີ V, ເລືອກຕັ້ງປະທານສະພາປະຊາຊົນຂັ້ນແຂວງ ຕາມການສະເໜີຂອງຄະນະປະຈຳສະພາປະຊາຊົນຂັ້ນແຂວງ ຊຸດທີ IV, ເລືອກຕັ້ງຮອງປະທານສະພາປະຊາຊົນຂັ້ນແຂວງ ແລະ ກຳມະການຄະນະປະຈຳສະພາປະ ຊາຊົນຂັ້ນແຂວງ ຕາມການສະເໜີ ຂອງປະທານສະພາປະຊາຊົນຂັ້ນແຂວງ ຊຸດທີ IV, ພິຈາລະນາ, ຮັບຮອງເອົາການສະເໜີແຕ່ງຕັ້ງ ປະທານອົງການກວດກາລັດຂັ້ນແຂວງ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນແຂວງ ຕາມການສະເໜີຂອງຄະນະປະຈໍາສະພາປະຊາຊົນຂັ້ນແຂວງ, ພິຈາ ລະນາຮັບຮອງເອົາການແຕ່ງຕັ້ງ ປະທານຄະນະກໍາມະການ ແລະ ຫົວໜ້າຫ້ອງວ່າການສະພາປະຊາ ຊົນແຂວງ ຕາມການສະເໜີ ຂອງຄະນະປະຈໍາສະພາປະຊາຊົນແຂວງ, ພິຈາລະນາ ຮັບຮອງເອົາໂຄງປະກອບກົງຈັກ ຂອງສະພາປະຊາຊົນຂັ້ນແຂວງ ຊຸດທີ V, ພິຈາລະນາຮັບຮອງເອົາ ແຜນຍຸດທະສາດ, ແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ 5 ປີ ຂັ້ນແຂວງ(2026-2030) ຕາມການສະເໜີ ຂອງປະທານຄະນະກໍາມະການປົກຄອງແຂວງ, ພິຈະລະນາຮັບຮອງເອົາແຜນການເຄື່ອນໄຫວວຽກງານ 5 ປີ(2026-2030) ຂອງອົງການໄອຍະການປະຊາຊົນແຂວງ ແລະ ສານປະຊາຊົນແຂວງ, ພິຈະລະນາຮັບຮອງເອົາແຜນການເຄື່ອນໄຫວວຽກງານ 5ປີ (2026-2030) ຂອງອົງການກວດກາລັດຂັ້ນແຂວງ, ພິຈະລະນາຮັບຮອງເອົາແຜນການເຄື່ອນໄຫວວຽກງານ 5 ປີ (2026-2030) ຂອງອົງການກວດສອບພາກໃຕ້, ພິຈາລະນາຮັບຮອງເອົາ ແຜນການເຄື່ອນໄຫວວຽກງານ 5ປີ (2026-2030) ຂອງສະພາປະຊາຊົນແຂວງ ຊຸດທີ V ແລະ ພິຈາລະນາຮັບຮອງເອົາແຜນການສ້າງ ແລະ ປັບປຸງນິຕິກໍາໃຕ້ກົດໝາຍ 5ປີ (2026-2030).
ກອງປະຊຸມຄັ້ງປະຖົມມະລຶກຂອງສະພາປະຊາຊົນແຂວງອັດຕະປື ຊຸດທີ V ຄັ້ງນີ້ ຈະດໍາເນີນເປັນເວລາ 2 ວັນ ແຕ່ວັນທີ 23-24 ເມສາ 2026 ຈຶ່ງຈະສໍາເລັດ.
ຂ່າວ: ມະນີວອນ